影片
更多
2012-04-29
116 浏览
4月23号晚同一班老友记睇完达明一派o既last show, 唔惊唔觉已到o左11点半. 有朋友因为赶车落o黎红馆搞到成晚无o野落肚, 散场呢刻饿到咕咕声; 加上大家都睇完show想揾个地方坐低饮o野吹水, 于是乎浩浩荡荡向著尖东出发, 揾间仲开紧门o既露天吧去满足我地o既需要. 行o下行o下, 我地第一眼见到呢间「Nara Thai」有露天座位, 就好自然咁坐o左埋去哎o野饮哎o野食.呢度o既露天座位都唔少, 最多可以坐到廿几人, 加上深夜时段人流较少, 完全适合我地无驱无束咁食o野吹水. 一坐低, 见到呢度有全城热卖o既Hoegaarden, 我地个个立时精神哂! 除o左两位朋友哎o左生力light之外, 我地每人都o黎1 pint “Hoegaarden” draft (见下图):呢只生啤好有质感, 入口甘醇之余, 仲渗著淡淡o既橙皮清香, 到肚又唔会有太厚太heavy o既感觉. 朋友之中有几位平时少饮啤酒o既女士, 都异口同声话佢好好饮好易入喉. 我地一路食o野一路倾计, 呢1 pint真系唔惊唔觉好快饮晒! 如果唔系呢度比较早收舖, 我真系好想o黎多1 pint, 因为真
4月23号晚同一班老友记睇完达明一派o既last show, 唔惊唔觉已到o左11点半. 有朋友因为赶车落o黎红馆搞到成晚无o野落肚, 散场呢刻饿到咕咕声; 加上大家都睇完show想揾个地方坐低饮o野吹水, 于是乎浩浩荡荡向著尖东出发, 揾间仲开紧门o既露天吧去满足我地o既需要. 行o下行o下, 我地第一眼见到呢间「Nara Thai」有露天座位, 就好自然咁坐o左埋去哎o野饮哎o野食.
呢度o既露天座位都唔少, 最多可以坐到廿几人, 加上深夜时段人流较少, 完全适合我地无驱无束咁食o野吹水. 一坐低, 见到呢度有全城热卖o既Hoegaarden, 我地个个立时精神哂! 除o左两位朋友哎o左生力light之外, 我地每人都o黎1 pint “Hoegaarden” draft (见下图):
呢只生啤好有质感, 入口甘醇之余, 仲渗著淡淡o既橙皮清香, 到肚又唔会有太厚太heavy o既感觉. 朋友之中有几位平时少饮啤酒o既女士, 都异口同声话佢好好饮好易入喉. 我地一路食o野一路倾计, 呢1 pint真系唔惊唔觉好快饮晒! 如果唔系呢度比较早收舖, 我真系好想o黎多1 pint, 因为真系好好饮呀! 食o野方面, 我地本住无乜特别要求o既前提下, 哎o左 “泰式什锦小食拼盘” 同埋 ”泰式猪颈肉炒饭”, 想唔到有意外收获! “泰式什锦小食拼盘” (见下图):
新鲜热辣上台, 合共5款小食, 每款两件, 包括:素菜春卷 - 外皮炸得松脆, 里面o既芋头馅充实, 比中式春卷好食得多. 点青柠酱味道一流!
炸虾饼 - 金黄o既外皮同样松脆, 虾胶馅软得o黎有赵口, 货真价实之作.
煎鱼饼 - 个馅好入味, 煎得入口甘香, 低调得o黎有水准.
虾多士 - 个样望落以为佢炸到又干又硬, 食落口至知佢同其他炸物一样, 外脆内软, 虾胶馅份量足, 佢系第一个惊喜!
香叶包鸡 – 我仲以为呢粒细细粒系糯米饭, 一打开原来系啖淡肉o既青咖哩鸡, 既的式又嫩滑, 系第二个惊喜!
呢个拼盘每一样小食都做得相当出色, 令我地喜出望外, 愈食愈兴奋. Yummy!
至于 “泰式猪颈肉炒饭” (见下图):
上台时热腾腾, 香气四溢. o的饭炒得好够镬气, 材料充足, 猪颈肉粒粒甘香又大件, 作为正餐或消夜同样咁正! 总结: 埋单每人大约HK$110, 其中唔少系去o左个Hoegaarden度. 呢点唔重要, 因为有好o既酒, 加埋水准咁好o既泰式食品, 又可以舒舒服服坐系度谈天说地, 呢个价钱可以话系超值! 下次同朋友o黎尖东饮酒吹水, 不论日头定夜晚, 都会拣番呢度.
张贴
