叄壽司凍肉專門店

营业中

休息中

打牌期间肚饿就去咗三寿司买寿司医肚，叫咗一个赤海虾刺身，总数有四只，肉质非常鲜甜，价钱恰当，寿司方面极度推介海胆寿司，因为平时出去出边食𠮶啲好大机会有好似啲厕所味，而三寿司嘅海胆就完全冇呢个问题非常新鲜，好值得一战。然后点咗四款腐皮系列嘅寿司，有腐皮吞拿鱼沙律，腐皮辣味三文鱼，腐皮螺肉船，以及腐皮芝士蟹子，每一款都各有特色，唔系度度有，都比较推荐试一下。而最后主食点咗一个原条鳗鱼饭，劲大条啰想讲，系烧汁煮，非常大条，性价比极高，一定适合钟意鳗鱼嘅爱好者。总结，如果下次再过嚟附近打牌一定会过嚟再试，地点非常方便，就系巴士站同轻铁站隔离。