影片
更多
2011-04-24
807 浏览
因有小朋友生日关系，所以今晚出街食，8个人谂来谂去…都唔知食乜好，结果冲口而出：「唉…唔好烦啦，食自助餐啦！」之后又衰多口讲多句：「呢…青衣有间酒店食Buffet好平，又未食过，去啰？」结果…冇人反对…Deal！订位前都几不安，因为$158/位…担心平冇好既定律，所以不断睇开饭网个食评同食物照。得出来的结果…好似唔系咁得哦！算啦…将货就价！6：15分到，一D都唔难揾(因为坐的士啰！嘻！嘻！)，战战竞竞咁入去；点解…咁多同胞响度呢？死啦…濑o野！说时迟那时快，左边一个黑影飞过；喔…原来系Cafe职员走过来问：P.S. 以下对话…原汁原味呢！职：「欢迎…请问有订位吗？」我：「唔该…我姓郭的，订了七位加一个小朋友！」职：「唔…郭生，呢边请！」入到餐厅坐好，望望四周，唔知系咪早到…定真系好似食评咁形容…咁差呢？全场得我地一家人啰！职：「你们好…需要帮你们摆好架BB车吗？」我：「有地方摆吗？」职：「有…不过走前记得通知我们，我们会拿给你啊！」心里想…价钱咁平，一定冇招呼啦！但…又唔系呀！个职员…好用心啰！好…暂时放下心头大石，揾食去也；P.S. 评分：(正)5、(好)4、(可)3、(不)2、(劣
订位前都几不安，因为$158/位…担心平冇好既定律，所以不断睇开饭网个食评同食物照。得出来的结果…好似唔系咁得哦！算啦…将货就价！
6：15分到，一D都唔难揾(因为坐的士啰！嘻！嘻！)，战战竞竞咁入去；
点解…咁多同胞响度呢？死啦…濑o野！说时迟那时快，左边一个黑影飞过；喔…原来系Cafe职员走过来问：
P.S. 以下对话…原汁原味呢！
职：「欢迎…请问有订位吗？」
我：「唔该…我姓郭的，订了七位加一个小朋友！」
职：「唔…郭生，呢边请！」
入到餐厅坐好，望望四周，唔知系咪早到…定真系好似食评咁形容…咁差呢？全场得我地一家人啰！
职：「你们好…需要帮你们摆好架BB车吗？」
我：「有地方摆吗？」
职：「有…不过走前记得通知我们，我们会拿给你啊！」
心里想…价钱咁平，一定冇招呼啦！但…又唔系呀！个职员…好用心啰！
好…暂时放下心头大石，揾食去也；
P.S. 评分：(正)5、(好)4、(可)3、(不)2、(劣)1
六个字：「整齐…干净…卫生！」
海鲜：虽然只有蟹脚、烟三文鱼、虾同螺，不过…好鲜甜，蟹脚有海水味…正！冷盘：千岛海鲜Salad(正)、芝麻海哲(正)、传统Salad(好)、沙律蟹肉挞(正)、三丝鳗鱼冷面(可)！(挂住招呼家人，唔得闲影相！)
烧烤：烧牛仔骨(正)、烧鱼块(正)、烧蒜蓉大虾(正)和炸饺子(好)！
热盘：炸蕃薯球(好)、天妇罗(虾、矮瓜和蕃薯)(正)、烧羊脾(正)、西兰花花枝带子(正)、红酒炆牛尾拼牛舌(正)、香菜排骨(可)、香炸藕饼(好)、炒饭伊面和中西汤(好)任君选择…仲有蒜蓉饱(好)同小麦蛋饱(好)送！(挂住招呼家人，唔得闲影相！)
甜品：有影呀…自己睇啦！
虽然都唔系咁多款，但讲真…真系好味，由其系图7白色细细杯果样，我食超过3杯啊！(唔止呢个数，不过…冇数到食了几多！)唉…讲漏o左；仲有雪糕同自助冲…冷热咖啡奶茶同柠茶柠水，任君选择！
时间一分一秒过去，餐厅越来越多客人，虽然只有两个仕应同三个厨师，但…都没有收唔切碟问题，而且每一个厨师都会站在食物旁悉心介绍同推介，真系好窝心…好专业的服务…超赞！
P.S. 我不是打手，也不是该酒店职员，只是一个业余食家；觉得今餐整体质数好高，特此留言表扬！谢谢！
张贴
