A-1 Bakery & Cafe (已結業)

炒鱿鱼后就开始周围去见客人交待工作，于是就去土瓜湾了，我从来都唔熟呢头地方，对我来说揾食好艰难，前往工作途中见到呢间餐厅，我曾经在坚尼地城多次帮衬，质素心里有数，所以做完野行几条街都回来食晏。一到门口，咦，原来是开放式餐厅，望望门口的大餐牌，再望望出面的下雨天，就不作他选了，再睇真，原来是排队购票，叫了烧汁牛肉定食，自己取餐，唉，见到纸碗纸碟已唔开胃，忌帘汤不过不失，牛肉真系唔太得，样貌似廉价雪藏肥牛，成品却连吉野家也比它好(真心认为吉野家几好味)，没有肉味都预咗，最惨系有筋𡁻唔开，加埋碗饭好痴住个纸碗，成件事令人好灰，于是我就做了大嘥鬼，食唔晒。正面啲谂，唔关食物事嘅，系我被人炒鱿鱼心情唔好啫。