臺坊 (加拿分道) (已結業)

本身要喺尖沙咀学嘢，早到咗就谂住揾吓厚福街有咩食啦，比我见到呢一间新开嘅台式料理，装修都几干净，于是就入咗去啦。 落单要去到收银机俾钱，之后就会有人送上嘢食㗎啦，我就稳稳阵阵叫咗一碗红烧牛肉面($60)，转咗做刀削面(+$5)。饮品就叫左小麦肧芽奶茶(+$8)，纯粹好耐冇饮过。饮品上咗先嘅，用胶杯好似出边叫台式手摇饮品咁，见到个面有好多肧芽，都几足料㖞，不过当我以为饮饮下就得返啲奶茶嘅时候，原来饮到最尾下边沉晒底，都有成吋半厚嘅肧芽未饮，好足料，只怪自己唔搞下个底…. 红烧牛肉面嘅𩠌就po哂系上面: 有三嚿大嘅红烧牛肉，两嚿大萝卜，仲有啲红萝卜添。首先真系要赞一赞，萝卜同红萝卜都好甜，一啲都唔苦，而且煲得好淋身，食到一半嘅时候，用汤再淋上面，正😄 汤底都好清甜，不过带少少辣， BB辣左右，牛肉都好淋同埋本身都够味，而且唔会好多筋位。刀削面就比较厚身啦，唔似其他正宗刀削面咁薄薄一片，比较粗同厚身，烟烟韧韧咁，一条一啖连埋个汤，几高质。