錦麗 (東薈城名店倉)

营业中

休息中

放假入嚟东涌行街顺便探朋友，朋友话商场入面有间新开嘅越南菜。位于商场7楼，锦丽喺出面仲有几间分店，但一路都未试过。假日都仲有午市套餐，分别有汤河、捞檬、咖哩同越式饭。越南菜必叫生牛肉汤河，蟹饼扎肉蕃茄汤檬同咖喱香茅猪扒饭🤗🤗 香茅猪扒炸到好靓，越式咖喱椰香十足，略嫌有少少甜。蕃茄汤非常浓郁鲜甜，蕃茄味唔会太酸太甜啱啱好，亦都好足料。有唔少蟹饼扎肉仲有豆卜。个汤饮晒都唔会颈渴。仲加咗越式青柠梳打同滴漏越南咖啡！估唔到味道都几出色，无论卖相同味道都起码有8分。出奇嘅系连锁分店都做得唔错，亦都可能因为东涌呢间新开，质素保证得几好。