仙跡岩 (至秀商業大廈)

营业中

休息中

因為仔仔要去驗眼，佢放學我地就約係佐敦等啦。其實真係諗唔到食乜好，係記得星巴克附近係有野食就行去果邊睇下啦。仔都話記得好似有間野食架。去到一睇，原來係仙跡岩喎；嘩，我以為已經摺晒架啦。難得見到，就入去食啦，記得佢既飲品都幾好飲，重有好多台式小食。不過上到去就後悔啦，個環境真係差，好鬼殘，好似好Dirty咁。Menu冇影，因為係本容容爛爛既書，見到都唔開胃。冇Set，但係叫麵可以半價叫個飲品，我同仔仔Share大杯的荔枝玉茶。仔仔叫的牛肉麵，佢話好似過琴晚個拉麵囉。棒棒雞麵，幾好食。間野，雖然真係殘好Dirty咁，但飲品同食物都唔錯，又唔係貴。其實都食得過既。如果佢可以執執間舖，坐得舒服Ｄ就好啦。