九記海鮮小廚

营业中

休息中

今晚同几个朋友嚟土瓜湾食饭，附近食店林立，好多选择。朋友话呢一间唔错，所以就胆粗粗入嚟试吓。点知原来有惊喜，以为平日过嚟会冇人点知，原来都座无虚席，我哋等左一阵就有位喇。首先讲返先呢间一个系好旧式嘅小菜铺，个椒盐三鲜好好味，真系好食都停唔到。个炸猪肠好好味，再配以佢哋嘅酱汁真系冇得弹。不得不提嘅系佢哋嘅蒜蓉粉丝扇贝，真系好离谱，好若味👍🏽👍🏽👍🏽开边虾粉丝，鲜甜！最重要系佢有我最钟意食嘅田鸡煲啊，好香系个煲里面，啲味道吸引我叫多碗饭，啖啖肉。另外我哋有叫过脆鱼腩煲,真系落足料我哋几个食到停唔到口。我觉得呢一间舖啲嘢咁好食，叫人点减肥呀。呢种小店我哋要多多支持，老板娘好好人，介绍我哋唔同嘅菜式。我一定会再嚟嫁！