Cafe Ceres (已結業)

闲日放假，十一点同老婆去试下呢间cafe,我地点左两杯近五十蚊嘅饮，一件七十几八十蚊嘅蛋糕，谂住系度叹下个零钟，一点前走人，点餐后十分钟左右饮品蛋糕到齐，好有效率，饮品我地叫左一杯花茶，一杯香薄荷茶，味道清得黎冇乜味，个绿茶蛋糕上面有啲cream同红豆，味道好好好一般，因为绿茶蛋糕要整得难食比整得好食更难，十一点半左右，我地件蛋糕食左大半，啲职员已经走黎问仲要唔要，十一点四十五分又问，我已经觉得好烦，你咁想收我食哂去俾你收，以为可以叹下杯茶啦，点知佢系十一点四十五分至十二时十分之间竟然可以问左我同老婆杯野仲要唔要，又帮我果杯未饮过嘅清水refill三次，然后又有两个职员明明冇客都系我身后行黎行去，我终于忍唔住十二点十五分起身走人，俾人系咁赶，食到一肚气!