傳心廚意

营业中

休息中

荔枝角D2 place呢间室内哥尔夫球练习场原来有间西餐厅，咁啱经过见到门口有个menu先知，入面环境几大几舒服，又有得睇人打golf，所以就去试下。 我同朋友叫咗一个set同散叫一个主食，人均唔驶$300。 ⭐伊比利亚黑毛猪鞍配时令蔬菜猪胺煎到表面微脆，入口充满肉汁，肉质食落几鲜嫩。猪胺仲切到一件件，方便一啖咁食。配埋个黑椒磨菇汁份外惹味。 ⭐鹅肝虾子捞面呢道菜式系中西fusion，呢个配搭几特别。鹅肝好大块，外皮煎到好香，入口即溶，成口充满鹅油嘅香味。虾子份量一啲都唔少，食粗面嘅时候啖啖都食到。 ⭐意大利柠檬挞配焦糖啤梨叫主食可以加$68点埋甜品，食呢个柠檬挞酸酸地可以解油消滞，而入面仲混入咗啲啤梨肉，有啲甜味中和一下，个挞皮亦都整得几松脆。仲跟咗粒马卡龙，几好味，唔算太甜。 ⭐蕃茄汤⭐沙律⭐冻柠茶主食加$38有埋是日餐汤、沙律同餐饮，呢个抵加。 整体黎讲，呢间啲嘢食唔错，坐得又几舒服，几啱同朋友黎。