好味王 (已結業)

初五个日，一班旧同学约左出黎食饭，有人提意到观塘打边炉，但食市地址是在工厂区内，心谂个度夜市都有开?点知一去到真系估唔到间野会咁爆。朋友book左8:30，够钟都仲要等多十几分钟至有位，因为大枱唔多朋友说如果唔book位都唔知等到几时。一坐低就即刻点菜，打边炉肥牛当然不可少啦，佢地既肥牛用星星分级数，越多星就代表d肥牛越靓，当然价钱都会贵d啦，汤底要冬阴功，唔错！其他食物都好新鲜，不过座位就太迫，我谂人少d可以坐卡位会比较好。喜欢打边炉的朋友不妨去试下，价钱合理(我地叫啤酒叫得多先要一人$140)，不过真系要早d去，唔系就最好book定枱啦！