沙田頭火鍋 (已結業)

招牌火锅汤底推介:特制沙嗲汤&芫荽皮蛋汤。可以拣鸳鸯锅。沙嗲汤好足料越煮越浓郁，唔会辣。芫荽皮蛋就比较清淡。一个浓味，一个淡味，隔住咁渌，2个简直系perfect match。安格斯肥牛牛小排卖相已经好好，大理石纹路，肥瘦均衡，特别系啲油花，忍不住encore !西班牙黑豚肉外表肥美油脂分布匀称，食落口感柔嫩，肉味香浓，同一般猪肉完全无可相比。手打丸好高质，特别系墨鱼丸，必食！鲜虾丸每一粒都有只原整虾喺里面。鲮鱼丸一啲都唔会腥。猪肉丸嘅猪味好突出。自家制嘅云吞、水饺、韭菜饺，想试新嘢嘅可以试吓竹笙鲜虾，全部饺皮薄，每粒好饱满，大大粒。呢间火锅店卖自家手打嘅丸、自家包嘅饺子，真系买少件少，一定要支持呢啲咁有心嘅店！火锅配料如蜂巢豆腐、猪皮、莲藕，每一口都吸晒汤嘅精华🤪减低罪恶感当然要叫返个杂菜拼盘。有大概5款时令嘅蔬菜🥬非常丰富！