鳳城酒家 (已結業)

同朋友饮早茶拣左呢度。个酒楼要搭lift/行楼梯上，得一层而且面积都唔系太大。大概朝早10点9到，一入到去就见到劲多食客同等紧位既人。我地好似等左20分钟左右就入得😳。凤城点心果种怀旧既味道，食果阵有少少时光倒流既感觉😛 我估佢系即叫即蒸，所以入左纸都要等番一阵，第一次去好似都等左20分钟，第二次去就快少少既。通常一上就系全部点心都差唔多时候上，热腾腾好正😛💦佢既水准好平均，皮薄料足，味道丰富，香气浓郁。传统中式点心黎黎去去都系果几样，都唔想太chom气逐件讲感受，直接去相（虽然影得麻麻地）！两个人埋单一人大概80-90$，悠悠闲闲食到饱饱地，当系brunch都差唔多系咁啦😂系旧式酒楼逐渐没落既时代，要揾番相同既味道可能愈来愈难，所以食完真系好想记录低呢刻幸福既感觉。