影片
更多
2018-07-16
57 浏览
以前喺胜利道买饮嘅时候都已经有留意到呢间铺头，不过当时见到铺头细细，而且门口仲有人等紧位添，咁就梗系即刻要立刻放弃啦！不过原来佢哋近排开咗间新铺喺胜利道附近，差几步路，而且店舖又要大好多会坐得比较舒服，即刻俾咗个诱因小编去完左个心愿丫！上网睇返资料先知原来店主系一个中缅混血儿，所以先会开一间缅甸菜嘅铺头👏🍴Mohinga鲜鱼浓汤米线呢一碗鲜鱼浓汤米线系店舖嘅招牌菜。汤底系由大量嘅唐蚤鱼加唔同配料同缅甸菜最重要嘅黄姜姜煲成。而个米线方面店主都系用返缅甸个边嘅米线。至于啲𩠌方面就有黄豆饼、豆卜、鸡蛋、鱼片同大量芫荽。首先个鱼汤方面，口感就唔似平时饮𠮶啲咁顺滑会好似有啲渣咁样。虽然汤底本身就落咗啲黄姜粉落去，但鱼汤个鲜味依然都好重。而且本身汤底里面加咗啲鱼露喺度，所以味道层次会再比较丰富少少。至于个米线方面就比起平时食到𠮶啲幼少少，但就非常挂汤，不过个人就略嫌只米线煮得太过淋。而个豆卜同鱼片个人就觉得比较一般，唔算话太过特别。不过个黄豆饼食落都几有惊喜，黄豆饼整得非常之脆口，而且里面仲有好多黄豆添，味道亦都好特别。而且喺米线上面加左大量嘅芫荽令到汤底嘅味道就更加丰富。🍴缅甸罗望子特饮孤陋寡闻
上网睇返资料先知原来店主系一个中缅混血儿，所以先会开一间缅甸菜嘅铺头👏
🍴Mohinga鲜鱼浓汤米线
呢一碗鲜鱼浓汤米线系店舖嘅招牌菜。汤底系由大量嘅唐蚤鱼加唔同配料同缅甸菜最重要嘅黄姜姜煲成。而个米线方面店主都系用返缅甸个边嘅米线。至于啲𩠌方面就有黄豆饼、豆卜、鸡蛋、鱼片同大量芫荽。
首先个鱼汤方面，口感就唔似平时饮𠮶啲咁顺滑会好似有啲渣咁样。虽然汤底本身就落咗啲黄姜粉落去，但鱼汤个鲜味依然都好重。而且本身汤底里面加咗啲鱼露喺度，所以味道层次会再比较丰富少少。至于个米线方面就比起平时食到𠮶啲幼少少，但就非常挂汤，不过个人就略嫌只米线煮得太过淋。而个豆卜同鱼片个人就觉得比较一般，唔算话太过特别。不过个黄豆饼食落都几有惊喜，黄豆饼整得非常之脆口，而且里面仲有好多黄豆添，味道亦都好特别。而且喺米线上面加左大量嘅芫荽令到汤底嘅味道就更加丰富。
🍴缅甸罗望子特饮
孤陋寡闻嘅小编真系从来都冇听过咩叫做罗望子，好奇嘅小编就梗系要即刻叫一杯嚟试吓啦。店员就话饮品入口会酸酸甜甜咁，咁小编循例都要上网check下原来罗望子又叫做酸豆。
饮品入口确实如店员所讲的确系酸酸甜甜咁，非常之消暑解渴。不过饮真啲又觉得其实同酸梅汤嘅味道冇乜太大嘅分别。所以如果天气真系好热的话，叫一杯罗望子饮确实系超级适合呀！
张贴
