&btR

营业中

休息中

星期六晚约左侄仔去太古城中心，因为本人整紧牙，冇牙力食野，唯一谂到就系食鱼，所以我地就黎左&BTR。周围人头涌涌，但呢度都叫做可以揾到位。呢度似高级左少少嘅快餐店，先自己去counter落单比钱，之后就等店员送餐去你度。我就食鲭鱼定食，个餐就正正常常，系个饭少少特别，有啲似炊饭。侄仔食鸡扒定食，佢就冇乜comment。呢度最大缺点就系，台同台之间非常近，咁啱左右两边嘅人都讲野大声，我就顶唔顺，好快食完就闪，都唔想坐喺度同侄仔倾计。估唔到夜晚出去食，一个便当唔收加一都要过百蚊，大概明白点解港人咁钟意返乡下啦。