L'AMOUR

难得星期日，同12月一齐生日的朋友补食好西😋当日超级冻，一坐低枱面已经有杯乱水，餐厅非常贴心。餐具亦都非常可爱，仲系用LC添。我地先叫咗一个前菜，烤加拿大海胆多士3pc/$198。每片多士上都有完整一条海胆，对得住呢个价钱，卖相好吸引。Main course 叫左传统法式鹅肝牛柳$398，鹅肝又系好大块，煎得好香，牛柳好林。另外叫左法式香料龙虾海鲜薏米饭$368。呢个有惊喜！首先卖相都好靓，只碟都有做装饰，佢用咗薏米代替risotto，薏米好烟un，我觉得好食过risotto。龙虾执到好浓味，又唔会太杰。见隔离枱杯嘢饮好特别，上面有个泡泡，我哋都叫咗两杯嚟试吓。我唔饮酒，就叫咗杯冇酒精嘅，Sexy On Tree $98，苹果味仲有啲果肉添。朋友就叫咗杯有cocktail，Dream $133，杯酒系蓝色，好靓。不过个泡泡好易爆，要小心啲拎同埋打卡要快手。成餐饭都坐得好舒服，下次纪念日可以带另一半嚟。值得一提嘅系，佢度门打开系可以见到出面，但闩埋嘅时候，就会变咗磨砂玻璃，望唔到出边。成件事感觉好有privacy, 好得意。