小泰豆泰式創意料理 (已結業)

由于今日局长我放工之后要去进修 所以就系上堂地点附近揾下野食啦无意之中 见到有一间个名几得意既泰国菜 叫做小泰豆咁就决定同埋同行既友人一齐去试下哩间小泰豆到底系咩料！今次局长我终于记得影低餐牌 （希望反光见唔到我个样）种类都系大路泰国野啦 不过价钱非常亲民 搞到局长我样样都想试下但系为左唔好成日眼阔肚窄 所以都系拣一个饭食就算啦经过一轮慎重思考之后 我决定左食青咖哩牛肉饭一上枱 真系非常之香喷喷呀 搞到局长我相都未记得影就试左一啖哩个青咖哩椰奶味 香料味同埋咖哩味balance的岩岩好 事关局长我虽然钟意食泰国野但都顶唔顺泰国本土既传统泰菜果重「重口味」局长我系泰国食过好多间出哂名好食又排哂队既泰国野 但始终觉得麻麻都系香港改良过 配合返我地香港人口味既泰国菜比较好食讲返哩个青咖哩啦 佢有得拣鸡猪牛 我就拣左牛 但哩个唔重要因为对识饮识食既人黎讲 青咖哩既豆角同埋茄子先系主角而哩个青咖哩入面既两样野都好入味  豆角爽口 茄子又好腍配合埋牛肉既烟韧 口感非常丰富牛肉既烟韧程度亦都系岩岩好 大家都知牛肉好易老架嘛！ 哩个咖哩用黎送饭更加系一流搞到本身唔算好肚饿既我都清哂成个饭 连d汁都清埋