小泰豆泰式創意料理 (已結業)

星期日放假喺西九龍中心附近行街，經過荔枝角道，見到有一間地道嘅泰國嘢，所以試吓。串燒好似$38三串，豬，雞，牛各一串。睇落幾juicy，不過食落豬同牛都好大陣鬆肉粉醃味，唔推介。雞就還好。雞扒冬蔭公金邊粉，湯河可以自由配搭鎹。雞扒正常，稱不上好食。

經過深水埗去佐呢間泰國餐廳食飯我哋大約7點到，人流唔算好多職員都幾 nice安排我哋入座點佐一個鹹魚雞粒炒飯，咖喱牛腩飯另叫我佐一個串燒，一杯熱克力一杯凍檸茶，食物方面咖喱牛腩d牛腩幾淋又入味，不過牛。份量少佐d，得兩塊，薯仔都好少，全部好碎😖咖喱汁最多🙃為有靠佢撈飯食，而個鹹魚雞粒炒飯，味道唔錯，鹹魚味好香，不過飯量比平時食開嘅少好多最好食係個串燒，燒得夠火候又大串全餐飯呢個最好食.總體來講，味道都算唔錯，但唔會特登去食.

我們是小泰豆常客，今日終於等到有新菜式~咖喱炒蟹，配埋白飯及油酥餅，真美味。此外，還有脆卜卜的蝦餅春卷及惹味的串燒，。這裏還有好味的海南雞飯(囡囡至最)，冬陰功湯，泰式豬手飯，泰式炒金邊粉……數之不盡，真心大件夾抵食!

最近成日落雨令個人又寒又頭痛，行過深水埗見到有間泰國野，入去試下啦！😋係我想要的味道，叫了個冬蔭功湯及油鬆餅（聽講可驅風及有食療功用）我本身怕辣所以叫定個椰青，椰青好大隻😆個冬蔭功湯有鮮蝦，味道剛剛好 不太辣，有奶香味及南薑味😋我怕辣時又飲啖椰青🤣，真係大滿足，食完呢個自創療食 身體舒服了好多💪大家不試試

昨晚外賣APP叫了這間泰國料理，真的是我吃過最難食的泰國菜，我未飲過啲冬陰功湯係得個甜字，其餘春卷拼蝦餅好似擺咗好耐咁，食落去好似紙皮咁又係得個甜字，生菜包同無骨鳳爪完全一啲辣都冇，係冇味又係得個甜字，真係永遠唔會幫襯🥺🥲？平時都係食完就算好少會發表，但係今次真係唔講唔得，真係好難好難好難食⋯⋯………………………………………………………………………………呀

星期日係深水埗間間出名既餐廳都要排隊，咁岩經過小泰豆唔駛等位，就試下啦。我地兩個人叫左4款小食，有啲主食會有埋飲品跟餐，每款小食都大約$40幾蚊至70幾蚊，算係平價餐廳。泰式炸蝦餅拼春卷- 熱辣辣剛炸起，非常脆口👍🏻香辣肉碎生菜包-我地叫左少辣，啲肉碎炒得好香，唔會太肥，生菜感覺都洗得乾淨😂泰式炒通菜-朋友話最中意呢個炒菜，很有鍋氣，啲菜新鮮唔會太老串燒可選雞牛豬，3串/6串，很多時其他店要order半打或一打，呢度可以order3串，岩晒我地人少少又可以樣樣試下。串燒肉質唔會燒得過鞋，個人比較喜歡雞肉，很滑，配上串燒醬👍🏻👍🏻啲小食很有水準，價錢都算平，性價比很高，兩個人食超飽，完全無失望，下次會再食！

星期六下午本身約左人去對面食，點知對面好多人，朋友又唔想等，佢就求其過左黎坐低。黎到我企響門口，嗰兩個阿姐響角落傾計時望一望我就算。我呆左呆，唔洗量體溫就坐低左。我坐低左問兩個朋友有無量體溫，佢哋都話冇。雖然檯有隔板，但唔量體溫係咩料？！仲要兩個阿姐都得閒都唔做？！？！驚住咁食個豬扒撈檬，算不過不失。撈檬個汁唔夠酸。泰式奶茶失望因為唔夠濃。服務真係冇乜。懶到落單都要我嗌出去俾佢知。總結：嘢食不過不失，但明顯唔會再黎。

位於深水埗荔枝角道嘅小泰豆泰式創意料理雖然只係一間小小嘅泰式餐廳舖頭，但係店內裝修非常之有feel，充滿着類似森林嘅感覺，今次同朋友嚟呢一間餐廳，一個叫咗炒金邊粉一個叫咗炒河粉，味道同份量都非常之好同埋足夠，埋單都只係$110

黎到深水埗咁岩係附近要食晚飯 上OpenRice search 到呢間泰菜餐廳 有十幾個like 覺得應該都唔錯 🥳🥳店員非常友善 疫情時間都可以8成滿座 真算唔錯！😍點餐時店員好有心機解答我所有問題因為我本身食素 好多時需要特別要求 我既要求一一都做到😍只需等5分鐘即刻有野食可食 點完野飲係即刻送黎 速度幾高！😍去廁所係好乾淨！ 非常amazing ! 通常地下油膩 但佢地係好乾淨 加分加分 食得好安心😍食前唔記得相機先食 下次補番啦唯有 😆

食過呢間小泰豆好多次，原因係性價比高，仲好好食，咁多樣野之中我最鍾意撈檬，主要係佢個汁可以自己落之餘，酸度適中，配菜足料，有蘿蔔絲，生菜，花生，配搭起來好正。講番個豬手，夠肥瘦適中，有肉汁，好滑，冇雪味，真之推薦。下午茶餐叫左個泰式鳳爪，粉量好多，不錯。味道方面都係以酸辣為主，但酸多過辣，辣得温柔，岩曬我口味。至於飲品，幾欣賞佢個熱菜蜜，跟餐唔洗加錢。甜甜地幾好飲，感覺好潤喉，不錯！喜歡泰國野既朋友不妨一試

香草辣椒肉碎煎蛋飯 ($50)分數: (6.5/10)肉碎夠多，煎蛋的蛋黃弄破伴飯，好吃。雖然看到有辣椒，但只有很少很少辣味，應該辣椒沒有辣味，大為可惜！.馬沙拉咖喱牛腩配飯($54)分數: (6.5/10)牛腩淋，薯仔比較少，咖喱沒什麼特別，味道可以.主食送熱飲，點了熱咖啡。.馬拉盞炒通菜($53)分數: (7/10)通菜即炒很熱，熱度很夠。可惜又是沒有辣味，而且馬拉盞太少，炒出來不夠味道不夠香。.總體味道跟價錢性價比可以，不太貴。

夜晚屋企唔煮飯，梗係去搵野食醫肚，深水埗雖然多野食，但大部分都食晒，又唔想太貴，突然醒起有間抵食泰國菜好耐無食，就決定同屋企人一齊去食💪🏽來到小泰豆，就算夜晚都只係大概50-60一個餐，包野飲，質素都幾好，又係抵食之選👍🏻必食推介就係呢個泰式辣椒炒肉碎煎蛋飯，基本上我每次來食都係叫佢，最緊要係肉碎同個汁好夾，辣辣地好野味，不過我就唔中意太多香草，會逐條逐條夾返出來😂煎蛋都好靚，點綴左個飯不少。另外屋企人又叫左個喇沙金邊粉，不過佢就嫌個湯底唔夠香，都係嗰句，應該要加多啲椰奶令件事似返東南亞feel，呢個都係香港既各國餐廳通病，為左配合香港人口味有時候係忘記左嗰個國家菜既特色，係要改善下。菜呢啲都係例牌，營養均衡必選，只需$20一碟！臨走嗰陣見到成枱泰國人樣既人響到開餐，可能都幾岩佢地口味😂小店加油💪🏽

老婆本身好鍾意食泰國嘢咁佢嚟過呢間都幾次今次第一次帶我嚟 好老實我覺得呢度嘅價錢唔平，亦都唔貴但係講真環境認真麻麻燈光唔夠，裝修亦都非常殘舊位置亦都極度唔就腳最吊鬼就係呢度連普通套餐都冇都係嗰啲餐牌叫個飯，飲杯嘢就加幾蚊嗰種本身食完啲飯都想吃啲小食 但係佢啲小食仲貴過啲飯所以都冇叫食咗咖哩牛腩同埋青咖哩佢唔難食但係絕對唔會返轉頭嘅一個質素如果要我行咁鬼遠七十蚊一個人頭去食啲咁普通嘅嘢講真深水埗大把選擇

呢間泰國菜我都已經去過起碼超過五次，原因係因為我屋企係附近，食過咁多次都覺得價錢上好抵食！加上平日去，都唔洗排隊😆椰青/珍多冰🥤 跟飯+$20/$10跟飯嘅話好抵飲☺️招牌無骨海南雞飯🍚 $52我覺得唯一不足嘅就係佢話無骨，但係其實都有少量嘅骨，不過個汁好好味👍🏻燒豬頸肉配飯🍚 47味道其實都唔錯，只不過唯一美中不足嘅就係啲邊位燒得太硬，但中間肉個d位就幾好味，個汁撈埋落啲飯都食會無咁乾好食好多😜泰式炸蝦餅拼春卷 🍤 $44呢個配搭我真係覺得好好，因為當唔係咁多人一齊食嘅時候，但係兩樣野都想食嘅話，就可以叫呢個雙拼一次過品嘗到兩種食物，而且都好好味，蝦餅好彈牙，春卷就好足料😋串燒沙嗲🍢今次得三個人，所以淨係帶咗三串，豬牛雞各一串，沙嗲醬好正🤤🤤 我覺得牛肉個串最好食。芒果糯米飯🥭上到枱嘅時候熱熱地，啲椰汁都幾多下，而且佢係兩溝！黑糯米再加普通糯米，值得一讚，味道方面都幾好，芒果都好甜。餐牌📜

Dinnie～送遞到屋企Pad Thai（細得黎麻麻地）半隻無骨豬手，好味但唔知點解咁多水呢。炸蝦餅拼春卷，蝦餅無特別同平時D差唔多，春卷......唔知係咪外賣嘅關係個皮un un地，不過個餡陣味我都麻麻。最後...我最愛嘅芒果糯米飯，失望到極點，望落去個芒果已經橙色，一食個芒果攻鼻嘅😨😨😨食左一啖再食唔落了！😭😭😭😭😭😭😭😭😭😭😭加上我期待左食芒果糯米飯好耐，個糯米飯放得入口only...