Nathanhouse (已結業)

约左个住奥运既朋友一齐食饭,当然要叫佢带我去儿地头食好西！今次佢带左我食呢间隐藏系 food court之后又坐得几舒服既餐厅.香蒜炒鲜蚬配香蒜多士炒蚬既蚬肉充满海水鲜味,入口无沙之余蚬肉质地又爽弹.炒蚬带点蒜香及酒香,新鲜又甜.炒蚬底下既精华汤汁浸上烘脆既香蒜多士后再咬一啖,相当满足.秘制芥末酱软壳蟹汉堡配惹味脆薯软壳蟹炸成金黄色而且唔会过焦.软壳蟹外层好酥脆又唔油腻,内里带住香甜多汁既软壳蟹肉.配上新鲜蕃加及生菜减低油腻感.刚好汉堡包以牛油烘过后带出香浓既牛油香而且松脆唔会过干身.意大利咖啡芝士饼Tiramisu带住香幼细腻既忌廉,配上经咖啡油浸过既海绵蛋糕更香而且味道更有层次.