樹屋 (霎東街)

营业中

休息中

啱啱喺附近做好检查想食清淡啲就揾到呢间素食餐厅，本身都谂住系口淡淡食一餐，点知原来素食都可以咁健康同好味。CWB platter呢个platter真系颠覆我对素食嘅想像就算平时有食开沙律，但系呢一个简直程系升华版，营养同埋种类都系更多而且味道好丰富，有甜椒，酸瓜，茄子，各式各样嘅沙律菜同埋有南瓜籽烤饼以及烤包，而且佢嘅烤蒜鹰咀豆酱同芝麻酱更加话可以话系神来之笔令到成个沙律提升不少。跟住再饮杯美式咖啡，呢杯美式咖啡比起出面好多餐厅都好饮，非常香醇，咖啡味好岩我口味，慢慢享受下餐厅轻松同埋欧美嘅环保，年轻气息。原本仲惊唔饱以及见到系呢间餐厅嘅主打就买咗个wrap，不过转头食返仍然风味依然，同样系素食但系口感同味道唔会令你觉得好单调，食落系好饱足同埋满足味蕾，对呢间餐厅嘅食物非常满意绝对要成为我bookmark之一。