影片
更多
2021-01-08
153 浏览
冬天不嬲系食鸡煲嘅好日子，以前不嬲食开辣嘅鸡煲，一直都觉得芝士同鸡煲唔系好夹，估唔到今次嚟食咪走鸡嘅体验完全颠覆咗我以前嘅想像，原来芝士同鸡煲系咁夹架。我哋两个人叫咗个细嘅黄金芝士鸡煲，啲芝士碎拣咗普通份量。等咗唔系好耐就有得食，估唔到个芝士鸡煲嘅卖相咁吸引，店员好细心提醒我哋话芝士比较容易㶶，等佢哋溶咗之后记得用细火。芝士鸡煲非常邪恶，同韩式芝士炸鸡有几分相似，不过感觉冇炸鸡咁油腻，又食到嫩滑鸡肉既口感，配上香浓嘅芝士酱，忍唔住食完一件又一件。同埋啲鸡嘅份量好多，其实我同男朋友食完个鸡煲都已经好饱，不过又想试吓芝士火锅嘅感觉所以就叫咗餐牌上面推介嘅配菜。我哋叫咗佢嘅鲜炸响铃，上台之后每只响铃差唔多有我手掌咁大件，真系大得好夸张，响铃嘅爱好者一定要试吓。仲有唔少得嘅就系冰豆腐啦，食亲火锅都一定要嗌冰豆腐，因为佢可以吸到最多嘅芝士酱汁。通常打边炉都会叫一壶竹蔗茅根清一清肠胃，通常都饮唔够喉，但呢一度嘅竹蔗茅根份量真系好惊人，我同男朋友第一次试过饮唔晒食完呢餐真系饱到上心口，食量唔大嘅建议两个人叫一个细嘅芝士鸡煲已经好饱，不过如果想试吓芝士火锅嘅感觉都可以好似我哋咁样叫啲配菜试吓，绝对唔会
我哋两个人叫咗个细嘅黄金芝士鸡煲，啲芝士碎拣咗普通份量。
等咗唔系好耐就有得食，估唔到个芝士鸡煲嘅卖相咁吸引，店员好细心提醒我哋话芝士比较容易㶶，等佢哋溶咗之后记得用细火。
芝士鸡煲非常邪恶，同韩式芝士炸鸡有几分相似，不过感觉冇炸鸡咁油腻，又食到嫩滑鸡肉既口感，配上香浓嘅芝士酱，忍唔住食完一件又一件。同埋啲鸡嘅份量好多，其实我同男朋友食完个鸡煲都已经好饱，不过又想试吓芝士火锅嘅感觉所以就叫咗餐牌上面推介嘅配菜。
我哋叫咗佢嘅鲜炸响铃，上台之后每只响铃差唔多有我手掌咁大件，真系大得好夸张，响铃嘅爱好者一定要试吓。
鲜炸响玲
5 浏览
0 赞好
0 留言
仲有唔少得嘅就系冰豆腐啦，食亲火锅都一定要嗌冰豆腐，因为佢可以吸到最多嘅芝士酱汁。
蜂巢冰豆腐
0 浏览
0 赞好
0 留言
通常打边炉都会叫一壶竹蔗茅根清一清肠胃，通常都饮唔够喉，但呢一度嘅竹蔗茅根份量真系好惊人，我同男朋友第一次试过饮唔晒
食完呢餐真系饱到上心口，食量唔大嘅建议两个人叫一个细嘅芝士鸡煲已经好饱，不过如果想试吓芝士火锅嘅感觉都可以好似我哋咁样叫啲配菜试吓，绝对唔会后悔，下次如果多啲人嚟食嘅话我会想试吓芝士出前一丁。
张贴
