料理処:森 (已易手)

从来都好少走到荃湾区，始终我由细到大都住喺九龙。上星期喺荃湾区附近见完客，行过去西铁站途中，经过一间同环境格格不入嘅日本餐厅。一条车房街竟然有间咁有情调嘅餐厅，确实令我觉得好奇，觉得吸引，就咁就行左入去。入到里面发觉好特别，好似铁板烧咁嘅格局。侍应安排坐低，坐位正正对住两位鱼生师父。未开始谂食咩好之前，鱼生师父已经开始同我交流，为我讲解同介绍，问我食开咩，钟意咩口味同唔食啲咩，好专业，我就决定等佢帮我点菜。先黎前菜渍物，有蒜头，青瓜，黄瓜等等。平时好少食呢类前菜，但系呢个好特别，味唔浓，入口感觉好清爽，好容易就成碟食晒。之后就吞拿鱼冷豆腐，薯仔沙律同越米纸吉烈虾卷。卖相好Fusion好靓，豆腐同虾卷味道好清好开胃，令人期待下一道菜。五点刺身，三点寿司。分别有间八，爱女，三文鱼，吞拿，金目刺身。寿司有带子，鲷鱼同平目。刺身就经常食，但系都系第一次有师父一样一样咁讲解仲教埋我点食添。刺身好厚身，好鲜甜，由淡到浓味咁食法，而寿司饭都好好味，师父话系用北海道七星米整架。蕃茄豆腐。有蕃茄味嘅冻豆腐，好的意，好清香，望落有啲似午餐肉。海胆冲绳卷。有鱼子，海胆同平目鱼。因我爱食海胆，师父特别整俾我食