北京水餃店 (已易手) 新餐厅

后补之作，o个日(29/9)要到尖咀一趟，所以趁机再嚟。上次试咗水饺云吞，今次安歌水饺，放弃咗云吞。反而叫咗猪扒拼水饺面，太太冇乜食欲，剩系要水饺面，加埋两杯热豆浆。饮品先到，见佢o地用煲番热o的豆浆，但最终都只系暖暖地…无所谓，反正佢嘅豆浆都唔系咁出色。水饺依旧好味，但猪扒竟然咁好食!唔单止肥瘦厚薄适中，最紧要系虽然经过油炸，仍然保持一股肉香同肉汁，高水准之作是也!不过如果能够分碟上就更好喇!环境都仲系麻麻地，服务都好似冇咁热切，不过食物水准持续高企！