影片
更多
2021-09-30
2993 浏览
生日当然要揾好野食。正如师傅问我系咪朋友介绍，但其实我响OpenRice 揾佢既。中午时份，只得八人座位，净做omakase. 问要几贯既时候，生日㖞！当然食最多啦（最后饱到揽住个肚走人）一上沙律同埋蒸蛋（白果，日本鱼蛋）嘅时候，第一时间觉得咦咁普通嘅🤔之后就开始食刺身类喇！先黎北海道生蚝（冇海水味，有柚子味，爽口同好creamy)。再黎就系白子（好滑，但始终我对呢类内脏麻麻地，所以都几夹硬吞落肚）😔或者应该一开始问左客人有咩唔食先得。然后系带子，感觉都系🥺点解得一半𠺢。味道非常清甜，无左平时咬落去黏牙既感觉。再黎白虾，上面应该系内脏类，因为老公既无（佢完全唔食内脏既），我将佢哋分开嚟食，白虾非常鲜甜再上白子，呢个白子师傅用火枪烧过，无之前既白子咁滑，但依旧creamy。食寿司前师傅俾左萝白同姜清味蕾。本人觉得萝卜偏谭冇乜味道，但个姜非常出色甜同酸嘅比例啱啱好🥳寿司上场，今次学人哋用手食，原来感觉真系非常之好㗎㖞摸上手嘅时候感觉到啲饭系就嚟跌嘅感觉，但系佢又唔会跌，而且寿司已经加晒Wasabi同埋豉油，基本上只要用手拎住放入口就可以啦。先黎金鲷，平时见到鱼皮都惊惊地。但呢个完全唔腥。然
中午时份，只得八人座位，净做omakase.
问要几贯既时候，生日㖞！当然食最多啦（最后饱到揽住个肚走人）
一上沙律同埋蒸蛋（白果，日本鱼蛋）嘅时候，第一时间觉得咦咁普通嘅🤔
之后就开始食刺身类喇！
先黎北海道生蚝（冇海水味，有柚子味，爽口同好creamy)。
再黎就系白子（好滑，但始终我对呢类内脏麻麻地，所以都几夹硬吞落肚）😔或者应该一开始问左客人有咩唔食先得。
然后系带子，感觉都系🥺点解得一半𠺢。味道非常清甜，无左平时咬落去黏牙既感觉。
再黎白虾，上面应该系内脏类，因为老公既无（佢完全唔食内脏既），我将佢哋分开嚟食，白虾非常鲜甜
再上白子，呢个白子师傅用火枪烧过，无之前既白子咁滑，但依旧creamy。
食寿司前师傅俾左萝白同姜清味蕾。本人觉得萝卜偏谭冇乜味道，但个姜非常出色甜同酸嘅比例啱啱好🥳
寿司上场，今次学人哋用手食，原来感觉真系非常之好㗎㖞摸上手嘅时候感觉到啲饭系就嚟跌嘅感觉，但系佢又唔会跌，而且寿司已经加晒Wasabi同埋豉油，基本上只要用手拎住放入口就可以啦。
先黎金鲷，平时见到鱼皮都惊惊地。但呢个完全唔腥。
然后系深海池鱼，师傅话熟成左一星期，牛肉就听过有熟成，原来鱼都会㗎啵。唔系师傅讲都唔知。鱼味浓郁
然后系烟熏嘅䲠鱼。都好重烟熏味㗎！
再黎右口鱼鲛鲽，无乜大感觉。
拖罗时间到，师傅话呢块拖罗系介乎大拖罗同中拖罗之间。虽然咁讲，但果下都系入口即溶
加埋𫚕鱼、长尾鲷（红色十几斤既鱼）好味到我连相都唔记得影。
最后系北寄贝，唔算太爽甜！
牡丹虾，小小黏牙。
同埋我至爱既海胆。系放上手食㗎
最后鱼油手卷结尾！
听到隔离客人同店员，师傅的对话！听得出店员对清酒既种类很有心得！如果你都好一杯的话，绝对可以交流交流。
而且食完师傅亦有兴趣同客人交谈。感觉很好👍🏼
张贴
