Best Berry (已結業)

由可爱食友信中得知呢间乳酪店位置,原来就系太平洋咖啡旧址,趁打书钉后走黎视察一番。店舖以粉红/白色为主调,同以前太平洋咖啡色调系两回事,感觉都截然不同,呢间感觉清简好多。饼柜内仍有唔少蛋糕选择,但最吸引我视线系呢件best berry cake。用得店名为名应该系主打角色,一于试试!蛋糕望落好似cheese cake,原来唔系,而且味道同我想像系两回事。海棉蛋糕真系几松软,而且唔太甜;乳酪好滑有点微酸,味道似有还无,两者加起的确几特别,可以一试。男店员态度有礼,服务唔错;有机会试下堂食雪糕先。