La Postre (已結業)

好耐未去过铜锣湾食晚饭，老公喺OpenrRice度揾到呢间餐厅，所以Book枱去试下。是晚星期五，百乐中心楼下排晒长龙，要等10-15分钟先上到餐厅。入到餐厅已全院满座，好夸张，大部分都系女性。我哋被安排坐左系一角落既地方，没有灯光，只能依靠两枝蜡烛照明，似是露营般的感觉。我十分欣赏佢哋的摆设，例如纸巾同碟。打开Menu，琳瑯满目，我哋叫咗西班牙沙律，海水啤酒海鲜火锅 (蕃茄尼忌廉啤酒汤)， 玉桂苹果卷同一支啤酒。西班牙沙律：有好多新鲜嘅蔬果食材，有蕃茄、红椒、青瓜、粟米、紫洋葱等等，配埋酸酸辣辣既酱汁，开胃。海水啤酒海鲜火锅 (蕃茄忌廉啤酒汤)：员工先放上小小的火炉同茶壶，内里全部系啤酒蕃茄汤。跟著，黎左四碟小海鲜，有虾、带子、蚬、蟹钳和螺肉。带子、蟹钳和螺肉已预先烚了半熟。等了一阵，当汤开始热热哋既时候，我哋开始放半熟既海鲜黎食。新鲜既海鲜带有少许啤酒味，但饮了啤酒既老公就只能食到海鲜味!由于系露营壶既关系，一切都要慢慢等熟先能进食。最后，果壶蕃茄汤饮到唔停口，因为壶汤有蕃茄味、啤酒味同海鲜味，味蕾简直系唔知点形容。玉桂苹果卷：暖暖的，个酥皮很脆，不算太甜，里面有好多腍左既苹果片，