泰醉 (已結業)

长沙湾区真系几多野食, 近来又见到间新开既泰菜餐厅酒吧, 骤眼望落去真系好有泰国酒吧街店铺既模样, 装潢方面有落心机。仲有而家好兴既火山排骨。整番条明炉乌头, 汤另上一路食可以一路加落去, 咁就唔惊煲干啦! 条鱼同D配料都好似样。落左好多芹菜, 芫茜, 肉碎增添汤底香味, 鱼肉结实冇乜泥味, 虽然叫左清汤但因为D香料都好有泰国风味。泰式铁板蚝仔蛋大大份好多蚝仔, 而且粒粒都肥嘟嘟, 点埋个辣酱仲好味。哩碟卤猪髀饭好大份, 汁味道好香, 猪髀肉已经又腍又入味, 最好食系连皮一齐食个种胶质丰富既口感。 唔饮酒就饮泰式饮品，哩杯泰柠茶都冲得唔错。