大快活 (已結業)

因为大快活新出左"白咖哩香茅猪扒套餐"，午餐唔知食咩好嘅我最后拣左佢嚟医我嘅五脏庙。白咖哩系列有两个款式，一个系(香茅猪柳+五香鸡中翼+扎肉)；另一款就系(香茅猪柳+春卷)，主食方面可以配白饭或者鸳鸯粉，我最后拣左前者配鸳鸯粉，加一杯柠檬柚子梳打，另加一份烚青菜，盛惠$65。味道方面用四个字可以概括，就系：一言难尽；除左鸳鸯粉同杯野饮叫做正常啲之外，其他野食都系低质素，包括主打嘅白咖哩，我原本期望白咖哩应该系"稠而浓，有淡淡嘅咖哩味"，但呢一餐完全俾唔到我呢个感觉，佢嘅白咖哩稀之余，仲要淡，一啲咖哩味都无，基本上似沟左水嘅白汁多啲......至于肉类方面，全部肉都系冻冰冰，就算中午时段旺场都唔系俾啲整定哂又冻嘅野人地食挂......最后不得不提份青菜，要另加$10嘅烚生菜份量太少，仲要淋bat bat又冻，卖相极差......总结，俾$65可以食到更好嘅午餐，唔使食佢呢个套餐。