森林咖啡 (已結業)

见到新假期报导呢间大埔纯白森林Cafe，所以我系星期日就去左朝圣啦。其实间cafe既地点有少少隐世，但去到见到都几乎坐满晒人，可见新假期既力量真系好强劲。白色砖墙外面放张吧枱吧凳，真系好似去左外国既小镇咁，非常适合影相。我地选择坐系cafe里面，整体装潢都系以木为主，再加上系用黑胶碟播音乐，所以成件事有少少怀旧既感觉。通常去到d环境好靓既cafe d食物其实都有点儿一般，但呢间cafe完全无令我失望。个鸡扒沙律既鸡扒整得好好，里面既鸡肉仲保持到好滑嫩，而且非常入味。我地仲叫左个鱿鱼圈，用个购物车装住d鱿鱼圈真系非常特别。但系可能因为唔系即炸既关系，放耐左冻左，但都唔算太差既。最后我地仲叫左个奶香乌龙茶，闻落去真系好香奶香味，饮落虽然无咩奶味，但比一般乌龙茶更幼滑。店员仲好好人咁帮我添返d热水落去，可以再饮，顿时感觉个奶香乌龙茶非常划算。