第三站

第三站位于旺角，系一间主打board game嘅Cafe，除咗可以玩几百款board game，仲有唔错嘅食物！营业时间去到凌晨一点，环境好舒服，座位阔落，无论你想玩几耐都唔会觉得焗促。呢度系一个好啱同朋友聚会嘅地方，因为可以一路玩game，一路食美食，真系一举两得。本来以为呢啲主打board game嘅Cafe系会敷衍晒啲食物，结果大大超出我嘅预期，食物质素竟然非常高，绝对唔输俾好多西餐厅，最重要系性价比高，坐足一日都唔觉贵！黑松露带子鲜菌烩葱大利饭 ($128)呢个黑松露带子烩饭系我成晚嘅最爱，黑松露嘅香味扑鼻而来，带子煎得啱啱好，外脆内嫩，配埋鲜菌同葱，味道层次非常丰富。烩饭嘅米质软硬适中，完全吸收晒酱汁嘅香味，真系一啖接一啖停唔到口。烟三文鱼忌廉蕃茄临扁意粉 ($132)呢个扁意粉好creamy，配埋烟三文鱼同蕃茄，酸酸甜甜好开胃。忌廉酱唔会太腻，意粉煮得啱啱好，烟三文鱼嘅咸香味衬得啱啱好，值得一试。蜜糖芥末单骨鸡翼 ($76)鸡翼炸得香脆，外层淋上甜甜嘅蜜糖芥末酱，入口即化，带有微微嘅酸辣，味道非常平衡，真系一个好好嘅小食，特别啱喺玩game途中食！青苹果乳酪 ($10)呢个