影片
更多
2022-06-26
236 浏览
大家去M+同艺术品打卡，我就去揾嘢食😂 M+新开嘅餐厅ADD+提供嘅系比较”古灵精怪”、带有港式味道嘅食物。我weekend去，排队排咗大概45分钟，喺有冷气嘅地方排队唔会觉得太痛苦。餐厅环境宽敞，我入到去被安排坐窗边位置，望到海景，只可惜𠮶日天气唔好，个天灰蒙蒙一片。鹅油叉烧炒意粉几特别，用一个胶袋袋住上枱，嚟到嘅时候侍应会剪开胶袋，帮你将意粉捞匀，食落几有鹅油味，味道唔错。食到最底会几油，但系可以接受。海南鸡饭都系招牌菜，鸡肉肉质嫩滑，配上三种酱料任君选择。双色鸡蛋仔都几得意。虽然比起外面买嘅鸡蛋仔贵，但系以咁嘅环境，定价都可以接受。鸡蛋仔外脆内软，我哋拣咗士多啤梨味同伯爵茶味，系食到呢两只味嘅，而且味道唔会话好假。💰: HK$200 pp (Lunch)💝: 7/10
鹅油叉烧炒意粉几特别，用一个胶袋袋住上枱，嚟到嘅时候侍应会剪开胶袋，帮你将意粉捞匀，食落几有鹅油味，味道唔错。食到最底会几油，但系可以接受。
海南鸡饭都系招牌菜，鸡肉肉质嫩滑，配上三种酱料任君选择。
双色鸡蛋仔都几得意。虽然比起外面买嘅鸡蛋仔贵，但系以咁嘅环境，定价都可以接受。鸡蛋仔外脆内软，我哋拣咗士多啤梨味同伯爵茶味，系食到呢两只味嘅，而且味道唔会话好假。
💰: HK$200 pp (Lunch)
💝: 7/10
张贴
