茶涮涮 (已結業)

茶涮涮邻近铜锣湾地铁站，唔单止地点方便，性价比仲好高！食物份量相当大，两个人都食唔晒一个两人餐，味道仲好好！试咗一个犇盛合，果然系有三款牛，分别系安格斯牛小扒，澳洲一级肉眼同美国精选牛五花。澳洲一级肉眼超级好食！好香牛嘅油香，又唔会太肥腻，牛小扒都好弹牙有口感，三款牛都好嫩滑，烚一烚漾一漾即起，真系无得顶😻海鲜都好新鲜，打边炉最紧要食材，因为烹调嘅方法比较简单，所以更加食得出呢度嘅虎虾、海鱼同埋帆立贝非常拣手，用料上乘，虎虾大大只又实肉，海鱼都好香鱼味，一定唔系养鱼😋成个餐只系每人398，但系有好多唔同款式嘅食物，仲有刺身、前菜蟹肉沙律、甜品系黑芝麻雪糕，碳水仲有稻庭乌冬，仲有好滑嘅冇激素鸡同埋好大盆菇同埋菜，食到食唔晒！刺身都好鲜味，全餐饭又饱肚又好味，系一个好好嘅体验，大家一定要来试吓🤩