翠華餐廳 (已結業)

喺翠华食晚饭纯粹因为就脚，废事慢慢拣。九点几食，冇咩人都几好坐。之前食过一次翠华海南鸡饭觉得麻麻地，今次再俾多次机会佢。呢个海南鸡味道唔系好正宗，似切鸡味，但系啲鸡嘅味道都几好食，点甜豉油好味道。个饭食落似加咗鸡汤煮，好软熟。个汤好足料，好多香菜仔，好好饮。鸡嘅份量唔算好多，不过个饭大，所以都够饱。炒饭有唔同配料：三色豆、虾仁、火腿、鸡粒、蛋，卖相好好睇。食落系正常味，不过茄汁味偏淡。话晒茄汁系西炒饭嘅灵魂，如果有浓浓嘅茄汁味就正喇。另外，个饭份量真系好大，我食到饱，都仲剩三分一，拎返去翻热，就冇乜味啦。见佢咁特别，蜂蜜柠檬茶，就试吓普通冻柠茶有咩唔同。第一啖饮落就饮得出蜂蜜味，笃多几下柠檬之后就比柠檬嘅酸涩味盖过咗。