孖啡 (已結業)

岩放工想揾个地方松一松，去楼上CAFE食个晚餐其实都几舒服。去过好几间楼上CAFE，每间都各有特色。我都几钟意呢间CAFE D剪影，配合窗外环境，好似有个小故事要讲咁。墙身贴左好多好靓嘅墙纸，营造楼上cafe嘅风格。凯撒沙律好新鲜，蔬菜好翠绿，食落好爽口，面包粒够晒干脆。忌廉烟三文鱼配天使面，三文鱼又大块又有些少厚度，幼身嘅天使面，唔会整得过淋。特式拼盘包括鸡翼，薯角，春卷，咖哩角，鱼手指，蟹子鱼蛋鸡翼外皮有些少爽脆，肉质嫩滑，蟹子鱼蛋外层烟韧，内里有好多蟹子，春卷及咖哩角皮脆，每一样都整得唔错。日式炒杂菜面头盖左好多木鱼碎，见到佢地郁下郁下都几有趣。红莓果茶味道独特，放小蜡烛系底下，红莓香味越煲越香浓。心太软外层松软，包著流心嘅朱古力，连埋冰冻雪糕一齐食嘅口感好好。