燒扒屋

营业中

休息中

长途跋涉专程落大埔食早餐，11点半红桥排长龙、新昌运排长龙、美新转左名又未开，路过烧扒屋见有位是鬼但照食！本来想鸳鸯扒鸡猪，不过发现另类野㖞。安格斯就食得多，纽西兰肉眼试试先。肥姐话咁早未有汤？11点半喇㖞！我要 5 成熟，肥姐话无得拣几成熟。突然背脊一寒，心里感到大镬喇，应该中伏喇！一分钟冻斋啡走甜到、三分钟意粉到，额头即时滴汗，心头酸溜溜，点解要咁对我呢！早知搏一搏，试劣评如潮既加拿大和牛好过啦！冻斋啡廿四味既味道，无咖啡香，救命！纽西兰肉眼扒配黑椒汁跟意粉，黑椒汁无味既？出自边位师傅架？只得黑椒味，无清汤无牛油无蒜蓉，浅而无味、毫无香味！意粉质地还可以，不过咩牌子黎架？无意粉无蛋香味？白烚意粉，盐都无落，滚水味意粉极度难食！意粉顶到约一半，太难食，已尽力。纽西兰肉眼？系咪真架？干硬鞋咸韧再翻热，太过份！太肚饿，格硬吞左块牛，比快餐店茶记更差，低处未算低。