其味煮意 (已結業)

今日同朋友仔系vcity行完街去咗隔离嘅工业大厦食好西食，佢好有心思带我去咗间好有私人空间嘅餐厅，呢度楼底高，地方宽躺，枱与枱之间隔得够远。好，坐低睇吓有咩好食先。牛肝菌汤，汤清甜得黎好有菇味。美国安格斯西冷牛扒5oz，原来5oz牛扒都好大件，抵食！仲要有大量薯菜，男仔都够饱。牛扒有牛味而且够软腍。西班牙黑毛猪鞍扒配低盐纯猪肉肠，猪鞍厚切，连埋猪肉肠都系冇味精，最赞系呢个炸茄子，平时食开都系煎，呢个系炸，炸到外脆内软，够特别！焗火焰雪山，外面有焦糖花嘅香味，里面系充满空气感嘅蛋白，食完幸福满泻。秘密花园，原来呢度仲有一间独立房，里面serve二人长桌，男朋友送埋花，会开心死。