其味煮意 (已結業)

是晚大家族有慶祝節目。選址《其味煮意》，餐廳位於屯門工業區，相鄰酒店，比較隱蔽。聽聞餐廳沒有做晚市，只接受晚餐包場。一行人開開心心來到餐廳，發現餐廳提供不少玩意，有🎯🎯飛標，有⛳️golf，有🎤🎵🎶卡拉OK，還有播放電影屏幕🎥🎞📺。除此之外，餐廳亦有不少影相佈景，方便客人拍照留念。晚餐餐單是預定好。老闆說如果沒有預留，多1️⃣個人都沒有食物可額外加🙄，真無言。餐單飲品有3款，橙色 、黃色 和綠色，影相一流，其實真係飲唔出咩味😅，3️⃣款都偏甜，唔係我杯茶。另外，還有自助咖啡☕️，奶茶🫖提供。前菜，你看多豐富，一大碟……紅紅綠綠，口水開始流了🤭。家族食肉獸太多，每位一件，實在不足夠。煙三文魚、煙火腿、炸雞寶、炸雞粒、腸仔及蔬菜沙律，一輪搶攻，全碟清空，全部味道都惹味，好味😙。主菜出場，哇聲四起，大堆頭之作，豬扒、燒雞和牛扒，食肉獸美食。牛扒不是軟腍，是有筋肉咬口，沒有太多調味料感覺，肉味得到保持。金黃色燒春雞肉質嫩滑雞皮香口，好味，骨都拆埋！穀飼豬扒，帶粉紅色和血色，一行人都驚燒得唔熟，畢竟是豬肉，老闆稱是正常穀飼豬扒顏色，我們有點擔心，大家都不太敢食。燒大蝦，都是一人一隻的份量。蝦熱騰騰上碟，品質

因為太難食所以冇影相，好快速咁離開咗。上到工廠區見到鴨髀西餐，心諗咁有誠意，咁就試試佢啦。叫咗杯凍檸茶，冇檸檬味冇茶味，都覺得唔緊要，因為唔係到到檸檬茶都好飲，至少佢都仲放得落口。下一個到嘅係一碗湯，其實我唔係好想打佢係一碗湯，佢係一碗水加味精加菜嘅嘢，完全唔係湯飲落去係水嚟。下一個到嘅就係鴨髀飯，我已經被碗湯攻擊完，佢就係鴨髀加飯，佢完全浪費咗食飯嘅quota。再食多個豬手飯，佢係蜜糖芥末豬手飯，黎到係豬手片，豬手片唔緊要但係個汁真係好難食。佢個汁係蜜糖然後係豬手上邊加芥末，難食到。點解咁嘅嘢都可以攞出嚟？我到底食佐d咩

屯門甚少工商廈樓上餐廳，呢座大廈由河田站行入一條街算好方便，餐廳日間都係茶記貴既價錢，略嫌lunch menu  變化較少（好似見佢開始會轉下）。以五十幾蚊一個lunch黎講，又坐得幾舒服，仲想點。特別推介老闆同員工都係寵物友善，我地第一次去過餐廳，見佢地方咁大，就問下老闆帶唔帶得狗試黎，佢好好人仲要係why not 既態度。上樓餐廳地方夠大，就算唔like狗既食客佢都有地方俾我地坐埋一邊

好少會食早餐嘅我忽發其想想食早餐😂所以去咗呢間餐廳 🍴 之前都試過佢哋嘅午餐🥣黑毛豬扒超好食😋仲有豬手都好正❤️但係就好食到唔記得影相🥲餐廳其實幾近西鐵屯門站 大概五至10分鐘步程👣環境闊落🥳老闆人好好 又會推介菜式所以又想再試下佢哋嘅早餐好啦講返個早餐先🤣價錢合理 外貌都唔錯💕一上到嚟就聞到好香嘅黑松露炒蛋味香草包係焗過嘅～超級香😋😋所以脆卜卜好似奶油豬咁正🤣想特別提嘅係佢個嘢飲🥂白桃🍑乳酸好好飲🤣❤️跟餐都好似加$8咋如果經過屯門嘅話 不妨試吓去呢間食💕唔會後悔！

位於工廠大廈內的餐廳，如果唔係朋友介紹，真係唔會識搵到。如果無睇到旁邊的餐牌，門口好有工作室的感覺🤣入面比想像中闊落，有埋大電視，環境都幾休閑舒服。⭐️我叫左黑椒薄西冷牛排特餐，有湯有飲品都係$52 (凍飲+$2)，超級抵食。白餐湯味道比較淡，濃稠質地，有少少黏口。我最滿意個牛排，話係薄牛排，但都有兩塊，份量唔少。調味幾香，肉質口感唔錯，唔會’鞋身’。薯角脆脆地，可以接受。配菜無鹽無油，走健康路線。黑椒汁味道可以，不過質地係偏稠(睇相)⭐️黑白粒粒西多士 $29 (連熱飲)味道正常，睇落無完整一塊西多士邪惡，但應該都係錯覺🤣整體食物質素不過不失，勝在價錢夠親民，環境都坐得舒服，有大電視添，坐好耐都唔會趕人走。

平日甚少入屯門，今日專登入嚟揾朋友順便食飯，就黎左呢間工廈裡面既餐廳，剛好過了中午繁忙時間，所以無咩人可以慢慢坐。呢度地方夠哂大，又有少少裝修咁，除了一般既午餐外，原來都有商務套餐，價錢唔貴一於試吓。先來餐湯，upgrade 左做龍蝦湯，味道鮮甜仲有好多蝦仁，不錯！主菜選咗「香煎三文魚柳」（$138），條三文魚又厚又大，相當驚喜！加埋香草，外皮煎得好香口，另外仲有少少菜和一片大蕃茄墊底伴碟，仲可以配意粉。另外點了「美國安格斯西冷牛扒（5安士）」（$108 ），一個人5安士其實都好夠食，牛柳好腍，質素幾好，加埋薯菜都好豐富。我哋都加咗兩個甜品，焗火焰雪山及士多啤梨芝士蛋糕，以為火焰雪山會有火，其實沒有的，哈哈！賣相唔錯，打起既蛋白夠滑，甜度適中。士多啤梨芝士蛋糕都好有士多啤梨味道，酸中帶甜。呢度嘅飲品亦都值得一試，本身套餐可以加錢upgrade做Starbucks咖啡，俾埋個Capsule你睇，冇花冇假。我就揀咗要洛神花梳打特飲，大大杯，少少甜，唔錯。

這次去到屯門工廠區覓食，去了一家位於消防局附近的工廈，餐廳位於一樓，一出升降機門就看到🙈。餐廳環境裝修特別，環境不太嘈吵☺。除了午市套餐供應，還有扒類/輕食/甜品供應。💥美國安格斯西冷牛扒5oz. HKD$108，這塊牛扒挻大塊的，另有醬汁可以拌著來吃。牛扒肉質腍身，口感煙韌嫰滑🤤，不會吃到雪藏味道。💥西班牙黑毛豬豬鞍扒 HKD$148，這份也是份量十足😍，豬鞍扒油脂分佈均勻，吃起上來不會感到油膩。這個肉質煙韌多肉汁，口感豐富惹味😋。💥焗火焰雪山 HKD$28，這個是即叫即製的，甜品賣相吸引，而且這個價錢不貴。這份甜品甜而不膩，蛋白口感軟綿綿，口感幼滑細膩🤤。另可以用HKD$30升級套餐，包括餐湯和飲品。餐湯有三款選擇，我們選擇了牛肝菌湯和龍蝦湯，兩款味道也很濃郁，而且材料十足口感豐富😆。飲品點了熱鮮奶咖啡和白桃梳打，飲品味道不錯，咖啡味道很香濃☕。

和媽媽來到平時返工附近工廈餐廳，環境夠大舒適，播放悠揚音樂。牆身綠草突顯小清新一面，感覺是個可以慢活舒適享受美食地方。點餐後在等待時，老闆仲招呼台灣代理多年微溫牛軋餅俾我地食，親切熱情招待，陪感窩心！牛肝菌湯：牛肝菌打得綿滑，菌味香濃，上網一查牛肝菌仲有舒筋活血功效，岩晒呢排大意撞親腰骨休養中母親大人。龍蝦湯：入面有不少龍蝦肉粒，真材實料，香甜鮮味。一口羊肉粒配飯：羊肉粒打成肉粒狀，彈牙多汁， 伴碟惹味醬汁送飯一流，阿媽掃清光~美國安格斯西冷5oz配薯菜：超級有份量，牛肉juicy味濃，筋肉分明，配上醬汁一流。薯角香脆，煎蘋果塊等伴碟沙律解膩！焗火焰雪山：賣相好靚，外層有焦香，蛋白細滑，一啖接一啖享受幸福空氣感。Cappuccino：呢杯係全日第一日杯咖啡，泡沫香甜，飲完醒神享受美食。熱薑母茶：貼心老細推薦熱薑母茶俾阿媽飲，阿媽飲完好鍾意，保暖養身，甜度剛剛好。整體而言，用餐舒適，價錢合理，我和阿媽都食得相當滿意，有時假日的確需要和家人享用一頓豐盛美食，充足電再努力工作！

瘦編今日同屋企人黎到屯門買野，當然都要係附近搵食啦，平時多數係V city，今次特別啲，去到另一邊，悅品酒店後面嘅工業大廈，試下依間平民食堂「其味煮意」。👍🏿-依間餐廳位置係一間工業大廈嘅1樓，鋪位都幾大，裝修比我嘅感覺好乾淨整潔，同屋企人黎食野可以坐得好舒服唔會太迫。餐牌有好多選擇，普通嘅午餐set平均$50左右，岩哂附近嘅打工仔。我同屋企人就試下升級套餐，美國安格斯西冷牛扒5oz同煎封三文魚柳。牛扒脂肪分佈平均，唔會太肥膩，肉質嫩滑，帶有少許咬口，牛肉味道香濃，非常有驚喜。三文魚唔會有雪藏味肉質結實，煎得岩岩好，唔會太乾身，食落仲有啲肉汁。雖然只係小店，但係食材絕無馬虎。配料都唔錯，薯角同茄子新鮮炸起，好好食！🥰-同老闆傾落計，知道原來佢地都係疫情下開業，餐廳堅持唔落味精，用料都好有要求，食客絕對可以安心食用。另外仲試埋佢地嘅下午茶熱狗餐，勁好食！條熱狗腸一咬即刻爆肉汁出黎，新鮮炸起雞翼都好吸引，唔會炸過龍。如果我係附近做野，應該會成日引唔住食佢地嘅下午茶餐。😆-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 其味煮意 (屯門)📍

其味煮意位於屯門震寰路3號德榮工業大廈1樓D室，由VCITY 行過黎都好方便就腳。餐廳樓底高，空間感大，非常闊落，座位與座位之間完全不逼狹，坐得非常舒適。忌廉蘑菇湯-忌廉蘑菇湯，稀稠度剛剛好，食到好多粒粒蘑菇，菇味濃郁，飲得出自家煲出來，沒有添加味精。美國安格斯西冷牛扒5OZ -大大塊，點了5成熟，煎得剛剛好，牛味香濃，肉汁豐富，只加了少許鹽，肉味更提升，另外配菜有薯角，炸茄子，炸物做得出色，不會太油膩。味噌煮日本花蜆-好大碗，蜆肉份量非常多，蜆肉處理得好好，沒有沙，沒有臭味，蜆肉飽滿，好新鮮，加上味噌湯底，估唔到咁好食。餐肉炒蛋出前一丁-由於太耐太耐冇食過，所以好想食，出前一丁煮得剛剛好，唔會煮到淋晒焗火焰雪山-火焰雪山要襯熱食，入口輕盈鬆軟。凍檸茶-大大杯白桃乳酸-白桃與乳酸比例剛剛好，不會太甜

今日搵食搵到黎屯門嘅工廠區，估唔到而家工廠區入邊嘅餐廳裝修係咁四正，餐廳入邊有一部大電視，仲喺牆上畫咗一扇窗，港女用嚟打卡影相都唔錯我哋去嘅時間咁啱就可以食到午餐同下午茶，我就當然唔會放過叫晒呢兩樣野機會啦白酒煮蜆份量非常多，蜆肉一啲沙都冇，洗得好乾淨，啲蜆肉仲有好豐富嘅白酒味，咁就可以整走晒啲腥味免治羊粒我都係第一次食，其實同平時食開嘅肉丸口感差唔多，但係食落去嘅時候又陣羊肉獨有嘅味道，正！朋友就叫咗個肥牛雜菜鍋配烏冬，雜菜有金菇、芋絲、豆卜，有d打邊爐嘅感覺呢款西多士中間係有火腿㗎，配埋上面嘅士多啤梨醬，突出左西多士嘅味道甜品我哋就叫咗個火焰雪山，製作需要30分鐘，建議大家提前叫定先

搬咗黎屯門都兩年幾，商場嘅餐廳都已經食到開始厭倦，上網見介紹工廠區有間樓上餐廳，睇介紹話CP值好高，一於今日就同老公去試吓啦，餐廳就喺西鐵站後面行過去都只係三4分鐘位置都尚算方便，餐廳座位都非常闊落，老細介紹原來仲可以book房開party, 今晚我哋order左安格斯牛扒再加三文魚，加$30就可以轉餐，今日嘅餐湯係蘑菇湯，蘑菇味好濃好creamy ,牛扒肉質偏林但係又不失牛肉嘅味道，食得出係有質素，三文魚煎得好香配菜都出色，擺碟都好吸引非常有心機，最鍾意嘅就係火焰雪山，估唔到樓上餐廳都可以有呢一種質素，非常值得大家試吓！

朋友是屯門牛，今次全靠佢帶路黎一間位於屯門西鐵站旁邊的工廈食這個廉價西餐「其味煮意」，此店裝修簡約，環境整潔舒服，空間感十足。重點是這家餐廳不算貴，食物質素也不錯。餐具都用上好的質料，好有誠意。看看餐牌，這間餐廳的食物非常抵食。加$30可以升級套餐，有餐湯和飲品。牛肝菌湯牛肝菌香氣逼人，口感都幾細滑，味道濃郁。美國安格斯西冷牛扒 5oz即使是5安士，也是超有份量的西冷牛扒，牛扒肉質鮮嫰，不會有雪藏味，而且大大塊，外延會有一些的肉筋，吃起來滿口肉感，個人嚟講覺得啱啱好。而配菜有脆薯角和炸茄子，炸物方面也做得不錯。西班牙黑毛豬鞍扒配低鹽純豬肉腸 西班牙黑毛豬鞍架肉質較鬆化，肉味也較濃。油脂同肉分佈平均，如大理石紋、油潤甘香，肉嫩多汁，所以食落有彈性和啖啖肉汁，遠勝一般豬扒。而低鹽純豬肉腸像台灣腸，肉質會結實一些，味道也很足夠。焗火焰雪山 非常吸睛，蛋白打得很軟，口感細滑。飲品「其味煮意」是一間質素和價錢都好合理的餐廳，想平食西餐的話，個人覺得非常值得一試。

朋友響呢頭返工，佢介紹呢度有間性價比極高餐廳，呢晚就同男朋友黎試試佢！餐廳位於工廈入面，所以夜晚都冇乜人，唔洗出去人逼人咁，又驚中招。我地揀左是日餐湯+牛肝菌湯+5oz西冷牛排+黑毛豬鞍排+火焰雪山。>雜菜湯：冇落味精+茄膏，用椰菜、蘿蔔、蕃茄煮成，覺得飲落似中式湯咁，好清甜、潤喉>牛肝菌湯：香濃惹味，有少少牛肝菌粒粒，增加左口感，重點係超級平，出面閒閒地都要50,60蚊一碗！>黑毛豬鞍排：擺碟擺得好靚，塊豬鞍排成隻手掌咁大，肉質鮮美，又香口，夠哂juicy，不過芥末蜜糖汁就少左d！>西冷牛扒：大份足料，牛扒冇乜筋，夠軟淋，薯角都炸得外脆內軟。值得一讚係佢2碟main course 都好多菜，仲要有2塊蘋果中和肥膩感第一次食火焰雪山，本身以為侍應會響我面前點埋火，但點知冇，佢會整好哂再拎出黎。呢個係原味，好似食疏乎厘咁，都係由蛋白整成，外層有少少焦糖香味，唔太甜，充滿空氣感，好好味

今日同我家先生又周圍去搵野吃。門面整整齊齊, 鋪內有貼畫, 有假樹籐, 亦有小動物公仔配襯, 可見店主有花心思。坐在這里, 喝杯咖啡, 打個卡, 有種小資且清新的感覺, 不錯!我地見有餐廳有提供早餐, 每日特色的精選午餐 及輕鬆下午茶。我地就反而想試試他們的晚餐MENU。前菜: 香煎阿根廷赤蝦見到蝦身煎得透, 仲驚緊肉質會吾會好乾呢?點知有驚喜, 廚師拿挰得個時間剛剛好, 蝦肉食得出系剛剛好熟透, 有肉汁且鮮甜。湯:龍蝦湯龍蝦湯飲完我到宜家仲念念不忘。蝦肉又大又爽口彈牙, 眼見有成10塊蝦肉, 真材實料。味道濃郁, 龍蝦熬製而成的湯底, 很香, 但不會說很鹹的感覺。我家先生叫左牛菌湯他說牛菌湯跟龍蝦湯是不一樣的感覺。飲落口, 淡淡的菌菇香味且新甜。而且飲落口仲有一粒粒磨碎的菌菇口感。如果喜歡香甜的朋友, 絕對可以試一下牛菌湯。主菜: 美國鞍格斯西冷牛排 5oz因為疫情的關係, 老闆告訴我們, 非常抱歉, 牛扒只能是全熟, 這樣子食客食得比較安全。雖然我沒食過全熟的牛扒, 但店主這份心意, 我收曬。非常為食客著想的舉動。切開曬牛扒,又有驚喜, 牛扒不乾身又不粗糙的口感。反而是柔軟的、味道