皓景閣 (已結業)

星期六晚同朋友系土瓜湾揾间餐厅食晚饭，见四周围嘅餐厅都要排队同埋坐满晒人唔想等，经过呢间餐厅繁忙时段冇乜人，谂住是但有位就入去食晚饭，点知就系中伏嘅开始。餐厅环境卫生一般，餐牌摸上手笠痴痴。叫左个拔丝咕噜肉，咕噜汁个味道酸得济，啲咕噜肉嚟到已经唔热冻晒，仲要唔脆，啲猪肉好大阵雪味，超难食，食咗一嚿已经唔想食。另外叫咗个椒盐鲜鱿，都系唔热，一咬成口油，啲鲜鱿一食就食得出系雪藏鲜鱿，仲要冇味，好似冇落调味咁，好差。奉劝大家唔好过嚟食，食物质素好差。