皓景閣 (已結業)

一上菜我就知，又係一間唔使賺嘅小店🥹會唔會太良心😂價錢咁抵，份量卻不少，最緊要係好食❣️至衰是日戒酒精🙁下次要同朋友來嗌翻幾道小菜啤啤佢🍻脆皮黃油鹽香雞(半隻)$110雞皮薄薄一層，又脆又香～雞肉鹽香的，仲好嫩滑😋💯份量仲常足足半隻，比較一般茶樓小菜，性價比高出太多！推薦🙌大蜆蒸水蛋$118有住家菜的味道🥰時間掌握得好好👍水蛋香滑～蜆肉大粒鮮甜！面頭的鼓油爆香蔥，真係好加分😋起到提味作用！仲大大碟，我今餐最為喜歡的一道💓粟米魚肚羹$88清淡之選！粟米甜甜的～魚肚仲好多！啖啖都吃到，絕對足料大兜😂有成5至6碗份量👍湖南椒皮蛋🌶️$48開胃小菜～皮蛋下面的一層係香辣的青色椒！辣辣地又幾過癮💚靚仔白飯(碗)$10無糖可樂$10

星期六晚同朋友係土瓜灣搵間餐廳食晚飯，見四周圍嘅餐廳都要排隊同埋坐滿晒人唔想等，經過呢間餐廳繁忙時段冇乜人，諗住是但有位就入去食晚飯，點知就係中伏嘅開始。餐廳環境衛生一般，餐牌摸上手笠痴痴。叫左個拔絲咕嚕肉，咕嚕汁個味道酸得濟，啲咕嚕肉嚟到已經唔熱凍晒，仲要唔脆，啲豬肉好大陣雪味，超難食，食咗一嚿已經唔想食。另外叫咗個椒鹽鮮魷，都係唔熱，一咬成口油，啲鮮魷一食就食得出係雪藏鮮魷，仲要冇味，好似冇落調味咁，好差。奉勸大家唔好過嚟食，食物質素好差。

好友新居入伙，大夥兒相約土瓜灣暖屋熱鬧一返，之後齊齊到附近的街坊食店大快朵頤。朋友帶我們到馬坑涌道的皓景；街坊小店，平平地，簡簡單單的家常好味道 😋😋碧綠龍躉球，有龍躉片及西芹，西芹爽口無渣 👍龍躉皮肉肥厚，一梳梳的 👍，相當滿足！蜜椒甜心牛柳粒，牛柳份量多，有咬口；薯仔炸過，加上蜜汁及肉汁味，正！梅菜扣肉煲，小編大愛，難以抗拒。扣肉肥美，肥瘦相間，梅菜伴飯，勁正！剁椒大魚雲雖然紅噹噹的，郤是香而不辣，二人刷一隻剛剛好！西洋菜煲瘦肉，是精選例湯，是喜歡的口味！豆豉鯪魚炒油麥菜，家常小菜，很有家的感覺 😄😄油麥菜爽口，加上料頭及豆豉鯪魚的鹹香，好味！

係土瓜灣行完，索性係附近食晚飯，見有套餐，就直接係套餐裡選，套餐既餸款式都幾多，有包埋飯，唔洗再另叫，揀完套餐，友人見到餐牌圖既斑球不錯，就加多了一個菜。先到既沙姜雞 （半隻）沙姜味不錯，另半隻的份量挺多。西蘭花炒鮮魷魷魚爽口，西蘭花正常。碧綠炒斑球斑球味道不錯，大啖魚肉食落滿足。豉汁蒸白鱔白鱔份量挺多，調味岩岩好，夠入味，另外，豉汁味道好正，拎黎拌飯剛好😋食到最尾，有送糖水，木瓜雪耳糖水，不會太甜，剛好。

上班時候好多時都會路過這裏，最近發現這裏開了一間粵菜，今晚便來這裏試吓。蒜蓉粉絲開邊蝦$138，蒜蓉味道十足，蝦肉鮮甜可口，最重要是墊底的粉絲，吸收了蝦肉的鮮甜味道和蒜蓉的香味，是個人的最愛。碧綠炒班球$138，班球採用了龍躉切片，經過煎香之後，帶出了龍躉的香味，而且份量十足，非常值得推薦。豉椒牛肉煎脆麵$80，麵條部份很香脆可口，豉椒味道十足，加上牛肉沒有過老，非常有香港特色。菌皇濃湯浸時蔬$78，濃湯的味道十足，如果白菜可以切開，就會方便進食。藍妹啤酒$33，冰凍的啤酒，配上了戰鬥碗，一於不醉無歸。值得一提的是，這裏全日免收加一，吃完飯還有免費紅豆沙送。

餐廳位於土瓜灣，主打多款特色粵菜，蝦兵蟹將、豬朋狗友、雞同鴨講、神農花園樣樣有齊，菜式即叫即整，所以需要耐心等待，而且全日免茶介免加一，會話性價比甚高！食物種類繁多，有選擇困難症嘅建議order佢哋嘅晚市套餐，包白飯同例湯而且仲可以用優惠價叫炒菜～ 菌皇濃湯浸時菜超級大份，蔬菜好鮮，搭配滿滿嘅雜菌同香濃嘅湯頭，配襯泡飯簡直一流！ 主食有豉汁蒸白鱔，份量十足，調味適中，豆豉醬鹹鹹地，唔覺唔覺就食晒成碗飯～ 值得一讚係個魚肉，鮮甜彈牙，啖啖肉好滿足呀！另外有鍋燒無錫骨，以鍋上，係江浙嘅名菜之一，肉質軟嫩，甜鹹味恰到好處，下面仲有好多洋蔥，絕對會encore😋個人喜歡椒鹽九肚魚，上枱時熱辣辣，炸皮唔厚，咬落酥脆，椒鹽味突出但同時唔會搶過魚香味，而且呢款炸到連骨都可以食埋！椒鹽鮮魷都唔錯，爽口彈牙，食落唔油，幾有大排檔風味～ 最後以蕃薯糖水作結，開心😃

路經附近諗住食晚飯，見附近間間都有人又唔係好想等位，咁岩經過呢間門口，入面都full full地但仲有位，門口個哥仔又好熱情咁叫我地入去試下，話咩送白飯送糖水，於是就入去試下，佢有個套餐價係包3個餸，但價錢偏貴，所謂嘅送白飯其實根本已經係計埋落個套餐到，之後叫左3個餸，其中一個係炸蠔，點知黎果陣係薑蔥蠔，但佢完全冇諗住主動幫我地換返岩，個態度係諗住叫我地照食就算，我見佢態度麻麻都照食算，廢事一陣加料，之後食到差不多尾段都淨係黎左2個餸，諗住嗺一嗺，點知比佢話返轉頭，話咩要時間整，要等，最後食曬啲飯先到，最後食完諗住食埋個糖水，點知個糖水先係最垃圾，首先糖水冇得揀，得紅豆沙，得凍冇熱，個賣相極差，完全冇沙可言，係凍嘅紅豆水黎，紅豆係曬個底到，上面係啲好稀嘅紅豆水，食左一啖已經放棄，呢間野基本上肯定唔會有take 2，門口個哥仔幾熱情都冇用😂

叫左一個雞，一個鱔，個雞都正常，鱔就少少過火，仲咸到不得了，要加錢叫個白飯，點知個飯一陣up味，難食到即刻吐番出黎，我都好肯定佢煲飯個塊布一定係無洗乾淨涼乾，已經唔係平，仲要咁既質數，門口哥仔幾熱情都無用，一定唔會再食！更加唔會叫人試！

放假既早上諗住搵間餐廳食個早餐..見唔算多人仲有枱入去…叫左個歐陸早餐..雖然知道系中餐底..普普市通唔緊要…等左差唔多半個鐘…吉列魚柳又咸又炸唔透…一刀切落去都系油…辛苦樓面姐姐搵藉口說即叫即炸..我看似連炸爐都未開😬😬唔會有下次。🤗

上年大約11月新開的，我第一次光顧的時候，當時招牌用紅布遮著，我還不確定店名叫什麼。朋友喜歡吃這家中式小菜，因此不定時也會來光顧，朋友喜歡它性價比高。78元晚市套餐，有白飯、有小菜自選、有例湯、（可能）有糖水。消費滿150蚊還有一大盤 即炒時蔬。這次我寫食評，是因為服務人員敬業樂業的良好態度感動了我。吃晚餐當晚，有一個藍色上衣（疑似）老細在數錢，逗留了超過20分鐘。他離開的時候，吩咐道，「一號檯沒有茶，快添茶」「二號檯要落單，快過去！」「有客人要進來，快幫手拉門」在我進餐過程中，冷眼旁觀著熱心的服務人員，不停歇地落單、上菜、揮手再見……下次再來的時候，我要問他們，如何做到這樣熱愛自己的工作這是吃不完我們打包帶走的京都豬扒和糖水

中午同媽咪過嚟食飯見佢係新開嘅小菜咪惗住試下，點知食到成肚氣要咗個薑蔥魚腩同埋啫啫通菜煲薑蔥魚腩又多粉又鹹通菜煲先激氣，一開頭上咗個蝦醬通菜炒牛肉，我同職員講，我要啫啫通菜煲然後他拿盤牛肉通菜入去倒進一個啫啫煲度，再上枱嗰下真係火都嚟埋然後我話唔要，我話我唔食蝦醬，佢同我講啫啫煲係有Xo醬同蝦醬撈埋一齊我只係覺得你錯咪錯囉，點解仲要拗

雖然疫情回落一家大細落街食飯都比較危險所以今晚外賣回家開飯今晚想食小菜 帶回住家飯既感覺近近地就選了呢間晧景閣🧡柚子蜜汁豬扒唔會太甜軟硬度適中仲配了數件小菠蘿🍍❤️川辣豆腐腩肉好惹味 岩晒我哋大人口味配了椰菜 豆腐比較多 腩肉比較少腩肉大人要爭住食🤣💛炒蠔餅炒得剛好 就像大炒蛋 入面有蠔仔蠔仔份量都多 每一啖都會食到💚滿180元送炒菜心爽口 味道可以💜加12元可轉燉湯幾好飲 入面有1至2件雞件但不跟飯 還要加12元先有一細碗😮😲要吃多飯既朋友仔應該唔會夠飽🙇🏻‍♀️

麻甩專員繼續食盡土瓜灣呢間小店大概開左一個幾月，最近見佢終於掛上招牌就勇闖試下店內環境光猛，座位舒服，但係有一間房仔眼見放滿工具似乎仲未裝修完午餐其實就同茶餐廳一樣，有快餐/小菜/小炒之類午餐價錢介乎快餐$42 - 小炒$55up同朋友坐低睇好野食落好單專員叫左啫啫雞煲配白飯，友人叫左菠蘿生炒骨大概等左12分鐘未見有上菜，一心以為小炒需要時間所以唔催點知有職員行過黎問我地需要落單未先發覺原來未幫我地落單不過都仲可以原諒，因為再落單大概等多5分鐘就上菜，或者嘢食唔差呢?菠蘿生炒骨份量唔錯，賣相上色效果可以，有做到小炒應有既顏色可惜味道過於普通，酸味未夠突出，茄汁既甜味亦都未夠肉質炸粉可以接受，未至於入口時成口粉，但炸皮未做到脆身或咬落鬆脆既口感至於啫啫雞煲，份量十足，上檯時煲底燒得夠紅夠熱，發出吱吱喳喳嘅聲響煲底燒滾香煙不斷霧出，專員戴住口罩都聞到煲底燒出黎既香氣一心以為咁有火氣，賣相又好睇嘅應該會好食好可惜底味不足，雞並無醃到入味另外煲內有幾片豬潤，簡直係差本身雞煲放豬潤並唔奇怪，但係豬潤切得太厚身同埋應該無啤水導致幾塊豬潤燒乾！硬身！有豬潤尿臭！成個煲愈食愈油，愈食愈覺得無味，直至食

嘥錢…..嘥錢……嘥錢…….首間我自己唔會再take2既食肆😡所謂脆脆奶油豬😞包唔熱、包唔脆、牛油都🧈唔溶🤬杯咖啡☕️仲係又燶又酸🤬🤬🤬🤬🤬啲餐具又污糟…….我未試過會投訴……仲要唔理我羅🤬🤬🤬🤬🤬🤬🤬😞😞差差差勁👎🏻我食一啖都脾臉佢了，簡直…..難以形容咁差😡😡😡😡首間我自己唔會再take2既食肆😡所謂脆脆奶油豬😞包唔熱、包唔脆、牛油都🧈唔溶🤬杯咖啡☕️仲係又燶又酸🤬🤬🤬🤬🤬啲餐具又污糟…….我未試過會投訴……仲要唔理我羅🤬🤬🤬🤬🤬🤬🤬😞😞差差差勁👎🏻我食一啖都脾臉佢了，簡直…..難以形容咁差😡😡😡😡

沙爹牛肉公仔麵🍜$25下午茶，包熱飲☕️平時我去開冰室下午茶🤣今次就去咗對面間新店試吓😎老實講個沙牛麵真係唔錯喎👍份量夠，又唔會太鹹👌仲差少少飲曬啲湯😂不過店內環境同服務就真係有待改善😅皓景閣 (土瓜灣)土瓜灣北帝街22號地下