杏甜品 (香檳大廈) (已結業)

每个女孩子都有个专系装甜品嘅胃😆，而且近日天气涷涷地，更加想食啲暖笠笠嘅甜品。𝗔𝗹𝗺𝗼𝗻𝗱 𝗗𝗲𝘀𝘀𝗲𝗿𝘁杏甜品系每日鲜制，产品都系以低糖健康为主。尖沙咀分店系 The One 附近，木系嘅装潢，感觉清新，而且坐得舒服💕🔅核桃露木莲冻 $46第一次接触木莲冻，佢系类似仙草、凉粉，口感轻盈滑溜。核桃露幼滑，味道香浓，而清爽嘅木莲冻有少少中和感觉，令合核桃露食落无咁 heavy👍🔅椰皇汤圆炖双皮奶 $69食到椰皇嘅清甜，滑滑嘅蛋白，感觉滋润又健康。汤圆选择咗芝麻，一咬爆馅，有流沙感觉，好食😋🔅抹茶汤圆 $42自家制汤圆，味道的确唔错。同样系一咬爆馅，抹茶带少少苦涩，感觉真材实料🍵