影片
更多
2024-10-17
564 浏览
2024年9月11日 星期三今晚同老婆尝试咗呢一间红磡小店，位置喺崇洁街里面，虽然唔太显眼，但系一去到都即刻见到店舖入到去坐低发现餐厅主打系海鲜，可以预订海鲜盘，就咁睇相片都觉得几震撼，期待下次可以同多啲人一齐嚟试下餐厅都有提供一般中餐食，而且更有人气菜式蒸肉饼，简直中晒我既心水，价钱都几贴地，可能主要系做街坊生意，于是我哋就点左几个小菜同肉饼试下一点完餐店员就即刻送上中汤，系花生鸡脚汤，一揾就揾到成只鸡脚，够晒足料，而且鸡脚煮到好腍，证明个汤应该煮左好多个钟，好够味又唔会太咸之后有马蹄土鱿蒸肉饼，一黎到已经闻到好香既土鱿味，肉饼里面肥瘦猪肉既比例一半半，食落去好香口，送饭食直头系一流，加上马蹄又再增加口感，所以好快我哋就清晒成碟跟住有招牌碌鹅，果然系餐厅招牌菜，整得好入味又够腍，脂肪唔算太多，个汁又唔会太咸，同鹅肉好夹，加上唔算太多骨，食落去啖啖肉呢个系酱香炆大鹅，同碌鹅又有另一种风味，炆到啲肉好腍又够惹味，份量足够两个人食最后仲有椒盐鲜鱿，冇谂过成碟嘅份量都几多，每条鱿鱼都好大，炸浆唔算太厚，咬落去外皮松脆，里面嘅鱿鱼几烟靭，屋企完全整唔到呢一个质素，真系得餐厅先食到期待下一次嚟可
今晚同老婆尝试咗呢一间红磡小店，位置喺崇洁街里面，虽然唔太显眼，但系一去到都即刻见到店舖
入到去坐低发现餐厅主打系海鲜，可以预订海鲜盘，就咁睇相片都觉得几震撼，期待下次可以同多啲人一齐嚟试下
餐厅都有提供一般中餐食，而且更有人气菜式蒸肉饼，简直中晒我既心水，价钱都几贴地，可能主要系做街坊生意，于是我哋就点左几个小菜同肉饼试下
一点完餐店员就即刻送上中汤，系花生鸡脚汤，一揾就揾到成只鸡脚，够晒足料，而且鸡脚煮到好腍，证明个汤应该煮左好多个钟，好够味又唔会太咸
之后有马蹄土鱿蒸肉饼，一黎到已经闻到好香既土鱿味，肉饼里面肥瘦猪肉既比例一半半，食落去好香口，送饭食直头系一流，加上马蹄又再增加口感，所以好快我哋就清晒成碟
跟住有招牌碌鹅，果然系餐厅招牌菜，整得好入味又够腍，脂肪唔算太多，个汁又唔会太咸，同鹅肉好夹，加上唔算太多骨，食落去啖啖肉
呢个系酱香炆大鹅，同碌鹅又有另一种风味，炆到啲肉好腍又够惹味，份量足够两个人食
最后仲有椒盐鲜鱿，冇谂过成碟嘅份量都几多，每条鱿鱼都好大，炸浆唔算太厚，咬落去外皮松脆，里面嘅鱿鱼几烟靭，屋企完全整唔到呢一个质素，真系得餐厅先食到
期待下一次嚟可以尝试吓餐厅嘅海鲜拼盘！！
张贴
