容記小廚

营业中

休息中

土瓜灣崇潔街素有食街之稱, 食友報料有一家庭式手工菜館插旗, 一行數人速速到來探店👏住家式佈置, 實而不華, 人在門外已見女話事人殷勤開門接待, 服務態度高階👍撚手菜式都掛在店中牆上, 客人一目了然👏先來餐飲：凍檸檬茶及自家製五花茶好茶食友評檸檬茶是用多種茶葉混製, 非一般用茶精平凡之作, 有水平心機茶水出品, 值得品嘗, 言談間得知是女主事人親手炮製😋無糖五花茶清涼解熱, 大餐前的好飲品👏人人有份的免費例湯, 粉葛排骨湯, 冇用味精, 口味清新😋繼而點了幾道巧手手工菜:椒鹽魷魚鬚, 熱氣騰騰, 外脆內爽, 烹炸火候到位😋土魷蒸肉餅, 又一驚喜, 用上新鮮豬肉, 聽說日銷二十斤, 口感造工果然非凡😋招牌碌鵝， 鵝肉入味軟硬適中， 拌飯佳品😋新上榜菜式 :福建紅燒豬手， 又是另一種口味，味道更勝南乳炆😋酸菜炆鵝， 平凡住家菜口味 變不平凡😋辣子雞， 雞肉內脆外軟， 麻而不辣， 送啤酒佳選😋啤酒紫蘇炆鴨， 鴨亦都是好 材料， 紫蘇味香，鴨肉鮮美，佐米麵主食正😋蕎麥麵作主食， 配料清新爽快😋忽見鄰枱來了一大盤壯觀的 鮮蝦鮑魚海鮮盤， 借位拍下一張相， 今次冇食等下次食👏坊間小店果然高手在民間

土瓜灣附近一間不太起眼的小店，店面擺放有很多餐牌，望落都幾吸引。裡面環境類似茶餐廳，乾淨企理，店員好熱情過黎招呼我地坐低，跟住就介紹呢度的特色菜。主要以家常菜式為主，價格都唔貴。開波先黎一碗老火湯，住家飯的必定流程肯定唔少得，今日係紅蘿蔔豬骨湯，湯料足，夠火候，同其他快手湯唔同，直頭係阿媽只味，天氣甘熱黎碗靚湯真係好正，老細都好好人，飲完仲繼續幫我加左一晚，靚湯真係飲多幾碗都得。跟住梗係試下招牌碌鵝啦，肉質好有鵝味，新鮮，染曬焦糖色，好入味，聞落仲有淡淡醬香，油脂分佈均勻，口感滑順、皮薄肉嫩，啲鵝汁用黎撈飯都好正。椒鹽鮮魷就一定要夠爽口，唔可以太老會韌，這個就做得岩岩好，望落金黃色，又脆口，而且冇腥味，魷魚肉夠厚，口感超好，有大排檔個只味！脆皮炸大腸賣相好吸引，外面的皮脆脆的，一口咬下去都可以聽到那種喀啦喀啦的脆聲，入口香脆，随后油脂四溢，唇齿留香！可以食到脆口的炸大腸實在難得！肉食完當然要黎個青菜啦，百合炒西兰花清淡还不失美味，在百合配合下略帶青菜的清甜味，西蘭花又多汁脆嫩，食完一堆肉之後食呢個就岩好啦。總體黎講，容記小廚主打住家菜味道，食材新鮮足料，菜式都帶有溫暖親切的家庭風味，味

在土瓜灣附近工作後，經過見到有間新開嘅小店，於是決定跟同事去試吓。呢晚叫咗以下菜式:紅蘿蔔薏米冬瓜湯- 坐低店員就送上免費老火湯，飲落足料又消暑，很有誠意。鹹蛋蒸肉餅 - 肉餅多汁彈牙，食落一啲都唔會肥膩，加上咸香嘅鹹蛋黃，好餸飯。招牌碌鵝庄 - 呢碟餸果然係招牌，鵝肉炆得鮮嫩入味，食到陣陣鵝油香，仲有爽脆嘅鵝腎，炆得入味嘅鵝掌鵝翼，個汁似甜甜哋嘅豉油雞汁，食到停唔到口。椒鹽豬扒 - 椒鹽豬扒很惹味，一啲都唔柴，唔錯。菠蘿生炒骨 - 生炒骨外層炸粉上得唔厚，但做到薄脆掛汁，再加埋三色椒同菠蘿，味道酸酸甜甜，好開胃。蜜椒鱔球 - 鱔球炸得香脆，魚肉爽脆鮮味，完全無腥味，配上香甜嘅蜜汁，食完一件又一件。凍檸茶 - 有幾片厚切檸檬，加上香濃嘅茶底，而家真係唔多餐廳提供呢類高質檸檬茶。綠豆沙 - 味道少甜又足料，清熱之選。餐廳雖然係街坊小店，但所有出品都好有誠意，食材新鮮，味道很不錯，加上店員有禮殷勤，絕對是encore之選。

《抵食港式小炒店💈》———————————————-#容記小廚 ❤️-呢間位於土瓜灣巷入邊嘅小店，位置比較低調，但係臥虎藏龍，走親民平價路線，仲有老火湯飲，好有住家菜感覺🏡性價比高，質素唔錯，而且店員非常熱情，有賓至如歸嘅感覺👍🏻-🧡 脆皮咕嚕肉一上枱都俾佢嘅造型嚇親，菠蘿擺盤夠晒浮誇，咕嚕肉炸粉唔會好厚，啖啖肉，味道酸酸甜甜，十分開胃🥳-🦆 醬香鹿茸菇大鵝非常入味，醬香濃郁，原煲上熱辣辣，鵝肉彈牙，食落好惹味，仲有爽彈豬皮，超正🤩-🦑 椒鹽魷魚鬚外皮金黃色好香脆，內裡爽口～而且魷魚無腥味，食落亦都唔會只係得炸粉，口感豐富🤤-❤️ 原味蒸肉餅呢個鹹魚蒸肉餅係小店嘅招牌，店員特登推介俾我哋食，果然有水準，肉餅感覺好新鮮，又唔會太肥膩，撈飯一流🍚-⭐價錢參考：醬香鹿茸菇大鵝： $168脆皮咕嚕肉： $118椒鹽魷魚鬚： $88原味蒸肉餅： $50🍌 抵deal 指數：7/10

跟老友閒遊紅磡，行到崇潔街見有間容記小廚，見佢哋嘅餐牌的晚飯小菜都唔錯咁，就一於進入開餐囉。餐廳裝修簡樸，但環境乾淨衛生，近7點的時間入席都有七成多，人流暢旺啊。食小菜要點些下酒菜，豉椒炒蜆，蜆的size剛好，肉質飽滿冇沙，配料有洋蔥、三色椒，配上豉椒汁炒很惹味。脆皮咕嚕肉，炸得香脆入口夠哂香口，肉質爽帶點肥肉，醬汁酸甜味令人開胃，配上新鮮的菠蘿🍍，清甜解油膩☺️。豉汁蒸黃花魚，加上薑蔥蒸更加惹味，需則有點細骨，但魚肉滑溜熟度剛好，確係唔錯👍。鴨煲，內有菇類、豬皮一併煮理，調味很好不會過咸，且沒有油膩感。雖然沒有華麗裝修，但食物味道好，價格又親民，性價比不錯，難怪成為街坊常吃的小菜店。

土瓜灣附近,有很多餐牌, 牆上有介紹. 類似茶餐廳，家常菜式為主唔會好貴一坐底就有碗老火湯. 唔夠可以添醬香鹿茸菇炆鵝, 試左鹿茸菇炆鵝, 好入味富醬香濃郁, 仲有幾多菇, 蒜蔥等提香味用左煲去保持熱力椒鹽鮮魷爽口，唔會太老韌，略嫌炸耐左所以呈啡色肉餅清清地都唔錯, 好有家常菜感覺上面灑左馬碲豐富口感仲有店員推薦咕嚕肉, 即炸起香脆惹味, 一邊係酸甜菠蘿, 好下飯 仲有3色椒同洋蔥 係最欣賞一道菜凍檸茶正常發揮其他選擇都唔少

Fafafoodblog為食花太郎 容記小廚 🍴例湯紅蘿蔔菜乾豬骨飲得出菜乾好夠味落足料 正🍴椒鹽魷魚鬚88 蚊炸得好香脆 足料 魷魚大大條 🍴土魷蒸肉餅 🐖肉餅簡單野先最難整 個肉餅 d魷魚切成粒粒 食落有口感 肉餅豬肉彈牙有嚼勁 加埋少少豉油 撈飯冇得輸🍴鵝煲 用慶住火既電磁爐上 鵝肉彈牙有口感 加埋葱花辣椒等等 食落好惹味 仲有爽彈豬皮 超正🍴腐乳通菜通菜新鮮 腐乳入味 炒得夠鑊氣#中菜 #肉餅 #腐乳 #土魷 #鵝煲 #椒鹽 #魷魚鬚 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#容記小廚紅磡崇潔街13 號地鋪~~~~~~~~~

今日近近地就同屋企人到附近餐廳食晚飯，餐牌上有很多特式小菜同套餐樣樣都想試，我們四人就點了套餐及小菜試下。招牌碌鵝 這道菜是餐廳的特色菜之一，幾乎見到每一枱必點的碌鵝，肉質煮得好腍好入味，配有特製的醬汁，鵝腎亦都好爽口。晚市三人套餐 沙薑雞半隻雞肉鮮嫩入口好滑，沙薑的香氣好吸引，配白飯一流。蒜蓉粉絲蒸扇貝扇貝好厚肉，蒜蓉香噴噴粉絲吸收了湯汁好鮮甜。腐乳通菜通菜爽脆，腐乳的鹹香味配搭不錯。豉油王鵝腸 鵝腸炒得好入味，肥瘦適中，連埋芽菜一齊食，口感一流。啫啫白鱔球 白鱔球的肉質鮮嫩，魚肉煎完再炒更加惹味香口。

住喺土瓜灣嘅街坊，先會知道呢條崇潔街特別多嘢食，今日媽咪唔想煮飯，就同佢哋去試吓呢間《容記小廚 》先😋！招牌碌鵝 $158（下庒）鵝肉肥瘦適中，可以自行選擇上庒或下庒位置，味道甜甜地帶滷水香氣，夠哂入味🍚送飯一流，果然係招牌菜👍🏻！晚市三人套餐 $208包括咗💁🏻‍♀️啖啖肉嘅沙薑雞半隻、蒜蓉粉絲蒸扇貝、腐乳通菜和無味精靚湯👍🏻包埋白飯和飲品！豉油王鵝腸 $108可能加咗芽菜關係出咗水，所以味道有點失色！啫啫白鱔球 $138即點即炒再上鍋，食得出鑊氣十足，外皮帶脆口，魚肉鮮嫩，好好味😋必食推介！

最近同屋企去咗土瓜灣嘅一間粵式小菜館，雖然餐廳外貌好低調，但係成餐晚飯嘅感覺又，坐得舒服，小菜特別，有幾款餸仲有住家菜嘅味道。首先係佢哋嘅招牌菜脆皮咕嚕肉，肥美嘅咕嚕肉加上三色椒、蘿蔔同洋蔥，甜酸度拿捏得好好，開胃又滋味。辣子雞夠哂香辣，配合炒腰果非常惹味香口。白灼金菇肥牛雖然簡簡單單，但令食完仲想再食。肥牛配塔蔥、金菇、芽菜，呢個組合幾少見，但係好啱送飯。老火湯幾足料，落咗霸王花、蘿蔔、豬肉、眉豆，熬得好入味。臘腸炒芥蘭，夠哂鑊氣，芥蘭翠綠爽口，臘腸肥瘦適中。最後係招牌家鄉碌鵝，真係唔可以錯過嘅功夫菜，碌鵝要先用鵝油、花生油在鍋中滾動煎香，再用老滷燜滷一個小時，鹵水味香濃，令人回味無窮。飲品檸檬茶同埋檸水。

陪老媽子探完人 佢話好耐冇去崇潔街一帶 我哋於是去嗰度揾嘢食 發現唔少街坊去一間住家小菜館買外賣-🧆家鄉小炒王餐牌上有各式各樣嘅小炒 我哋第一次嚟 叫小炒王最穩陣 樣樣一啲 有爽彈大蝦仁 炒腰果韭菜花菜脯粒充滿口感 鹹鮮惹味 啱晒餸飯🍚-🥠鹹魚煎肉餅喺屋企食阿媽嘅蒸肉餅食得多 外面食飯叫呢個餸嘅話 會揀煎嘅版本☺️ 件件煎得香口 細細件易夾啲 肉地結實 點啲喼汁食🧂 味道更鮮美-🥘碌鵝鵝切件唔大不過鵝肉有淡淡嘅陳皮香 鍾意吮骨吮味嘅會更like 鍋底油潤原來有鵝油花生油擦過

已經連續2晚幫襯佢哋(第一晚外賣，第二晚堂食)～推介家鄉碌鵝、蜜汁鱔球、椒鹽鮮魷、風沙雞、老闆娘炒飯、辣子雞、薑蔥炒蟹（非常好食，非常新鮮），例湯都好好飲，屋企人都大讚(連屋企個廚神長老都讚好食，有鑊氣)，價錢又相宜，會繼續幫襯，支持小店

老友住在紅磡，提議在崇潔街一家港式小廚晚膳，步入小店時，女店員殷勤有禮，安排入座，老友點了幾道菜，女店員迅速奉上自家製清涼卻不甜的五花茶及暖笠笠的例湯（粉葛排骨湯），足料無加添。椒鹽魷魚鬚~薄薄的粉漿把魷魚鬚包著，啖啖肉，外面酥脆內裡鮮嫩，有豐富口感，香脆惹味😋酸菜燜鵝~酸菜配鵝肉是對好拍檔，適量的酸菜可減輕鵝肉的油膩，不酸不鹹卻又香濃美味，恰到好處😋啤酒紫蘇燜鴨~啤酒醇香能使鴨肉鬆軟，不老不韌，紫蘇葉清香，增添其風味😋離開這家地道粤菜小廚後，老友陪伴慢步前往土瓜灣地鐵站，便各自回家，謝謝她的厚待

容記小廚飛龍辣子雞辣子雞賣相雖然係滿滿嘅紅辣椒，但辣味恰到好處，雞肉外皮香脆，口感佳。每一口都食到濃郁嘅香料味。脆皮咕嚕肉脆皮咕嚕肉係一道經典嘅廣東菜，外皮炸得酥脆，厚厚一層甜酸醬汁裏面肉質柔嫩，仲有炒香嘅三色椒，菠蘿，洋蔥等提味。白灼金菇肥牛白灼金菇肥牛做法簡單，卻突顯咗食材鮮味。肥牛肥美，金菇滑口，芽菜清爽。非常適合炎熱嘅夏季。臘腸炒芥蘭臘腸炒芥蘭，芥蘭脆綠，口感清脆，臘腸有嚼勁，香氣四溢。呢道菜唔會太油膩，令人食得健康滋味。碌鵝「碌」喺廣東話係滾動嘅意思，所以做法係先用鵝油、花生油喺鍋入面滾動煎香，再用老滷燜滷一個小時，令鵝肉更入味。鵝肉肥而不膩，肉質鮮嫩。搭配滷水汁，令整道菜更加美味。品嚐味道香濃嘅菜餚之餘餐廳更加提供凍飲，同埋老火湯，非常圓滿。

土瓜灣朋友帶咗我哋幾個嚟呢間感覺有啲懷舊嘅港式粵菜餐廳食晚餐🤣坐低就有例湯，好似係「薏米煲雞腳」🤣「蓮藕燜腩仔」：豬腩肉大約65%脂肪35%瘦肉，燜煮得好腍，幾乎接近入口就溶咁滯😋，仲有啲燜得好入味嘅蓮藕可以食🤣「土魷蒸肉餅」：即叫即蒸熱辣辣，見到又食到有土魷，肉餅仲好似係手剁嘅👏「招牌碌鵝」：好鵝味🤣「小炒肉」：用青椒同埋豬肉炒，炒得好香口🤣「豬什煲」：不同部位嘅豬內臟連埋蒜頭薑蔥蔥頭洋蔥等一齊煮，都係香口🤣