幸拉麵 (已結業)

早排同朋友都系喺尖沙咀返工，会成日出嚟食饭，自从朋友转咗工去咗北角之后就少咗一齐食嘢，早排请咗假塭佢食饭，佢知我系门小雷fans，就话带我去试一间好隐蔽嘅拉面店。店舖喺北角AIA地点下，不过因为唔系喺正门位置，所以有啲唔太显眼，店舖唔算大但系有种日式小店嘅感觉，门口贴咗三张门小雷嘅海报。喺介绍拉面之前介绍一下门小雷，门小雷系一位我非常钟意嘅香港画师，好多歌手例如容祖儿、周国贤、Rubberband都有塭过佢设计专辑封面或者演唱会海报。拉面有五款选择，我钟意重口味嘅我所以我要咗个黑豚，另外追加10蚊笋。黑豚即系大蒜豚骨拉面，一摆低碗面就已经闻到一阵蒜香味，虽然大蒜味好重但系冇冚过个汤本身嘅猪肉味，平衡得啱啱好，叉烧嘅肥瘦亦好均匀，食落都好入味，绝对可以再嚟食。临走之前我问老板仲有冇门小雷嘅卡卖，好彩仲有少少存货，于是买咗一set返去收藏。