韓兄弟燒烤

营业中

休息中

同A姐去完韩国，黄昏落机返香港，好想食荳腐火腩饭呀，但想要问吓A姐想食咩先？点估都估唔到，食咗8日韩菜，佢返到嚟仲系想食韩国烧烤！早知一早就唔问佢啦，嘅然洗湿咗个头，咁一于揾间地道嘅韩菜啦。今日我哋去到红磡嘅韩兄弟烧烤，入到去嘅感觉让我觉得好似去返落机前嘅韩国一样，电视播住K-pop，又系由韩国人打理，啲韩文字又飞晒出嚟喇。有六款泡菜：腌萝卜、腌青瓜、韩式泡菜、大豆芽、薯仔、菜，款款都新鲜爽甜，酸酸辣辣够晒开胃。套餐内有5块特级猪颈肉、1大块梅头、2大旧五花肉！店员仲会送上蛋浆、芝士同粟米，可以整炉边蛋。由韩国店员亲自帮我哋烧，火喉啱啱好呀！五花肉嘅脂肪比例均匀，烧完非常香口，肉味香浓，好惹味。特级猪颈肉好肥美呀！烧到脆卜卜嘅猪颈肉，金黄香脆，肉质弹牙，好好味呀。厚切嘅梅头肉，大块得嚟又唔韧，肉味非常香浓，好有口感呀。腌过嘅原只八爪鱼，大大只，好新鲜爽口，最紧要系辣得好过隐呀！最后食埋呢个罪恶嘅化身，啲芝士可以拉丝架！