大冒險家餐廳

营业中

休息中

大冒险家餐厅位置比较入，环境好大，稍微偏暗好配合到迷离庄园嘅气氛。今日食嘅系炸鸡扒配咖哩杂菜炒饭 同韩式牛肉 两个餐。炸鸡扒大大份 炸得好脆好好味，鸡脾稍稍干身但唔算老。炒饭入面有杂菌，配上嘅咖哩虽然淡但好好送饭。送上嘅蛋有米奇样，好有特色；而另一个配菜酸瓜好开胃。韩式牛肉肉质嫩滑。但送饭个汤比较咸，可能想还原韩式口味啦。而个饭又比较大碗同唔系分开一粒粒，呢度扣左少少分。整体黎讲都可以，乐园入面餐厅嘅价钱黎讲算唔错。好欣赏佢地除左日韩，仲会有印式等等嘅菜式提供选择，照顾到唔同游客嘅需要。