影片
更多
2013-04-09
2941 浏览
大肥爸爸听朋友讲，话皇后大道东有间新酒店Indigo，酒店未开而其中菜厅已经开业，就叫细佬去调查一下。有一日，XO仔放工时，见「金碧轩」真系开左灯，所以就走左入去同接待处𠮶位姐姐倾左两句。据悉，餐厅提供粤菜，午市主打饮茶，不过都可以叫𩠌食，欢迎订座，佢仲比左张卡片我攞比爸爸交差添。碰巧家中舅父啱啱返香港，爸爸又想试新菜，大家就决定订位喺「金碧轩」为舅父洗尘。「金碧轩」及其酒店位置真系好方便，地鐡，巴士，小巴，电车，的士，乜都到，反而私家车就麻烦少少，因为未有代客泊车服务，而且街市个停车场好爆，我地去𠮶日成条街都塞满哂等紧位o既私家车。餐厅分开两层，入门口𠮶层有接待处同等位处之外，原来仲有三间大房/宴会厅。搭升降机落到去底层，除左有散枱同一间大房，大家会见到右手边有个为吸烟o既客人而设o既露台，不过此乃酒店区域，而非中菜厅范围（Indigo酒店同「金碧轩」系唔同老板o既）。 我地帮衬𠮶晚，除左我地七个人之外，只有另外一张细枱有客，佢地走左后我地仲包埋场添。可能人客唔多，所以当晚o既服务特别好。我地一埋位，徐经理已经自动走过黎同我地打招呼，介绍不同菜式，更解答我地好多不同o既问题，如「金碧
「金碧轩」及其酒店位置真系好方便，地鐡，巴士，小巴，电车，的士，乜都到，反而私家车就麻烦少少，因为未有代客泊车服务，而且街市个停车场好爆，我地去𠮶日成条街都塞满哂等紧位o既私家车。
餐厅分开两层，入门口𠮶层有接待处同等位处之外，原来仲有三间大房/宴会厅。搭升降机落到去底层，除左有散枱同一间大房，大家会见到右手边有个为吸烟o既客人而设o既露台，不过此乃酒店区域，而非中菜厅范围（Indigo酒店同「金碧轩」系唔同老板o既）。
我地帮衬𠮶晚，除左我地七个人之外，只有另外一张细枱有客，佢地走左后我地仲包埋场添。可能人客唔多，所以当晚o既服务特别好。我地一埋位，徐经理已经自动走过黎同我地打招呼，介绍不同菜式，更解答我地好多不同o既问题，如「金碧轩」其实系喺年廿八低调开张等。徐经理非常称职，佢落单时先问我地赶唔赶时间，提议如果我地唔赶，不如先上四款小食送酒（开瓶费为$100/枝），其余啲𩠌再慢慢上，真系谂得好周到。佢o既班底亦不逊色，姐姐仔都会不时加茶加水，更会自动换碟，令大家都食得好卫生。大家其实都系抱住一个黎试食o既心态，见每道例牌菜都唔系咁大碟，最终就叫左多味不同款式o既𩠌菜：
黄金豆腐粒（$80）：此乃小肥食过咁多黄金豆腐粒做得最出色o既一家！从其卖相已经可以睇得出豆腐粒炸得好干身，少辣o既调味粉又唔会过多，咬落更觉皮脆馅嫩，姨丈仲大赞「好有山水feel」添。请留意，大家千其唔好一口成粒食落肚，因为个山水豆腐心真系好热。
葱油海蜇头（$80）：海蜇头质感爽脆，味道带甜，香口小食也。
卤鸳鸯鸭舌（$80）：大懒爸爸大赞鸭舌起哂骨，不过小肥就嫌起左骨o既鸭舌少左条软骨，冇左卜卜脆𠮶部份口感，只可以讲句大家口味不同。所谓鸳鸯其实系指分开两边上o既鸭舌一边辣，一边唔辣，调味汁酸酸辣辣，好醒胃。
椒盐田鸡腿（$120）：田鸡腿热辣辣，非常野味，送酒一流！
梅菜蒸菜心（$120）：用荷叶垫底及蒸笼上，卖相好有特色，不过份量就似乎吝啬左少少。表妹话梅菜唔咸，菜心又唔老，个𩠌做得唔错。
蒜泥白肉（$80）：猪肉片切得够薄，粉皮又唔会黐埋哂一齐，中辣o既调味汁自动分开上，不过小肥略嫌个汁唔够蒜香。
鳯梨咕噜肉（$140）：咕噜肉肥瘦适中，炸粉唔会太多，咬落肉质软熟，味道唔错。据徐经理所讲，个咕噜肉系用新鲜猪黎做，所以个效果会较非一般。燕盏琵琶豆腐（$200）：原本一客六件，但经理见我地有七个人，所以就自动提出做七件比我地，感激感激！小肥印象中，琵琶豆腐应该系炸物，不过金碧轩演绎成蒸物，感觉清新同健康左，唯一一个问题系蒸出黎o既琵琶豆腐整体变得比较实，遗失左豆腐软熟o既质感。
东坡肉（$238）：我地写𩠌时，徐经理极力推介，所以就叫左份黎试。东坡肉虽则肥，不过的确做得好腍好入味，送饭佳选！
脆皮葱油鸡（$240/半只）：餐牌中列明为厨师推介之菜式也。菜如其名，真系好够脆皮，同桌爱鸡皮之人都极为欣赏！葱油鸡毫不肥腻，好似师傅预先去左层肥咁，加上鸡肉香甜幼嫩，大家都好满意！
苦瓜炒牛肉（$160）：苦瓜甘香，牛肉嫩口，爸爸话好合格。琥珀蒜片牛柳粒（$180）：牛柳粒比较油，炒得唔够干身；鸡髀菇多过牛肉，蒜片又唔多，可以话系全晚最失水准之菜式。
总结黎讲，「金碧轩」地点方便，餐厅入面坐得舒服，服务一流，食物有水准。小肥唯一觉得有问题就系价钱贵左少少；虽则话每款菜式都系百几二百蚊，但份量少，所以埋单时就觉得唔系咁抵啦！
张贴
