健康食品拉麵 (威利大廈)

营业中

休息中

健康拉面位处排档后方，藏于小巷的一角，系一间极为低调嘅日本拉面店。记得第一次帮衬见门面及牌坊好简陋，以为系一个伏，入内见日藉老板(起初以为佢系侍应)帮手落单，格局又似和式居酒屋，可谓放心叫野食，点知就一试难忘。再度光临健康食品拉面，质素依然保持水准。拉面有辣有唔辣，基本野自选包括面条粗幼、质感、香油、蒜蓉及葱等。食肉兽嘅关系，无点杂菜健康拉面，拣左流心蛋猪骨拉面，盛惠80蚊。猪骨汤入口唔浓稠较为清淡，流心蛋一般般，而硬身粗拉面食落似食荞麦面咁正，配合波菜呢个健康食材，加埋肥瘦均匀嘅火焰薄叉烧，拉个平衡，好好食。食呢度拉面仲系因为气氛够和风，试谂下周围系日本人嘅拉面店，同周围系旅客拖gip嘅拉面店，边个你会想去多d?另外有叫关东煮，味道偏咸，应该系用黎佐酒食。