古早味休閒台灣 (已結業)

收工经过女人街食个晚饭，见装修好得意，墙上好多壁画，就入去试一试。 晚饭时间人多，等咗15分钟先有位。 环境一般，非卡位既枱与枱之间好贴。麻辣拼盘小食有（猪耳，鸡肾，猪肚）分量都比得算多， 猪耳口感爽脆，有阵八角香味，鸡肾略嫌唔够爽，猪肚好香卤水味。宜兰葱馅饼，馅料都几多，入口有肉汁流出，但略嫌油腻，肉味唔够浓郁。酥鸡扒汤面，盐酥鸡炸得好酥脆，入面鸡肉嫩滑，汤底太清唔够味，有改善空间，面条欠弹性。 整体而言， 以咁嘅价钱，不过不失， 可以试试。