樓下冰室 (已結業)

因为疫情禁左好耐既晚市堂食开返，于是约朋友食个晚饭。由于大家都无idea食咩，黎到最多野食既路德围，我同朋友不约而同都选左楼下冰室。我地点左：焗鲜茄猪扒饭- 大大入，岩晒大胃王食，而且系炒饭底，用蛋去炒，食落口有好香蛋味。鲜茄够多，捞饭正最正！猪扒一共有成3块感多，肉质唔鞋口。金牌咖哩牛腩饭- 咖哩好惹味，唔会太过辣，而且食到咖哩有椰香味，牛腩煮得恰好，唔太冧唔太鞋。口水鸡例牌-鸡肉滑嫩，酱汁亦够重口味，唔会死咸。炸韮菜饺-大大粒，一碟有8只都几抵食！鸡汤浸什菇娃娃菜-汤唔太咸，碟头大，推仲中意食菜既朋友～