Chill 輕食300kcal

营业中

休息中

疫情过后大家都着重咗健康同运动 ，呢排食得太丰富肥左几磅， 今日跟个keep 开fit嘅朋友嚟到荔枝角食返餐健康有营养嘅午餐， 呢间餐厅Chill轻食300kcal, 位于荔枝角GLOBAL GATEWAY TOWER, 播住轻音乐恬静舒适，佢哋嘅菜式都系好健康有营养, 如果唔钟意食肉嘅 仲有素食餐单, 今日我哋叫咗两个素食嘅餐， 香煎素小牛排， 吉列素鱼扒，配红米饭或荞麦面， 每个套餐都会附送 沙律 同排毒爆脂茶。未食主食之前我哋首先饮咗蛋白杯， 有好多味道选择， 我拣咗芒果味饮品入面仲加咗其他配料， 有清新嘅果香又唔会过甜。一直以嚟我错觉健康餐即系烚蛋烚鸡肉同冇味菜， 今日呢间餐厅令我好有惊喜 ，原来健康素食都可以色香味齐全， 好味之余全个餐都唔超过300个kcal， 我食嘅系吉列素鱼扒， 素鱼扒煎得香口酥脆， 荞麦面面质爽口弹牙，伴菜嘅南瓜都煮得好惹味。